Žychar Hrodna padpaliŭ na siabruku majku. Toj navat nie pračnuŭsia, ale praź miesiac pajšoŭ u milicyju
Usio tamu, što ŭbačyŭ rolik u tyktoku, jak ź jaho žartujuć siabry.
Troje žycharoŭ Hrodna ŭ pačatku maja adpačyvali ŭ pryvatnym domie. Nie abyšłosia bieź śpirtnych napojaŭ.
Pieršym z dystancyi syšoŭ 36-hadovy mužčyna: jon vyjšaŭ na vulicu padychać pavietram i zasnuŭ prosta na hanku. Siabry, ubačyŭšy hetuju karcinu, vyrašyli pažartavać.
Spačatku jany pyrskali jamu aerazolem u nos. A zatym adzin z mužčyn padpaliŭ na siabry majku. Ale toj navat nie pračnuŭsia. A siabry patušyli ahoń ź vialikaj ciažkaściu. Kali hrodzieniec praćvierazieŭ, jon zaŭvažyŭ na ciele apiok i pajechaŭ u balnicu. Tam jon patłumačyŭ, što atrymaŭ apioki ad chatniaj piečy.
Ale ŭ pačatku červienia mužčyna ŭbačyŭ u tyktoku videa, hałoŭnym hierojem jakoha byŭ jon. Akazałasia, siabry fiksavali svaje «pranki» na kamieru. Hrodziencu ŭbačanaje nie spadabałasia — i jon pajšoŭ u milicyju.
Ciapier jaho siabar-padpalščyk atrymaŭ kryminałku za naŭmysnaje pryčynieńnie lohkaha cialesnaha paškodžańnia. Sankcyja artykuła praduhledžvaje aryšt da adnaho hoda. Jon užo pryciahvaŭsia da kryminalnaj adkaznaści.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary