Biełaruski bijatłanist Siarhiej Novikaŭ zaniaŭ 20-je miesca ŭ mas-starcie na 15 km, što prajšoŭ 21 lutaha na Alimpijskich hulniach u kanadskim Uistlery.
Biełarus trojčy spudłavaŭ na stojcy i, zarabiŭšy-zrabiŭšy try štrafnyja kruhi, prajšoŭ dystancyju za 36 chvilin 59,3 siekundy (+1:23,6).
Alimpijskim čempijonam staŭ rasijanin Jaŭhieni Uściuhaŭ, jaki prajšoŭ dystancyju za 35 chvilin 35,7 siekundy, nie zrabiŭšy nivodnaha promachu. Darečy, heta pieršy miedal rasijskich bijatłanistaŭ na Alimpijadzie.
Srebra vyjhraŭ francuz Marten Furkad – 35:46,2 (+10,5), bronzu zavajavaŭ słavak Pavał Churajt – 35:52,3 (+16,6).
Usiaho na start vyjšli 30 bijatłanistaŭ.
Nahadajem, što ŭ čaćvier, 18 lutaha, Siarhiej Novikaŭ u indyvidulnaj honcy na 20 km staŭ siarebranym pryzioram Alimpijady.
A 23-j ŭ niadzielu pačniecca mas-start u žančyn.
Na dystancyju vyjduć try biełaruski: bronzavy pryzior Alimpijady Darja Domračava, a taksama Ludmiła Kalinčyk i Nadzieja Skardzina.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy32
Kamientary