«Ja fatohraf i šukaju madelaŭ». Novy razvod ad ašukancaŭ u telehramie
Ašukancy pastajanna ŭdaskanalvajuć mietady apracoŭki patencyjnych achviar. Papularny pryjom apošniaha času: paviedamleńnie ad imia dobraha znajomaha ŭ telehramie z prośbaj dać hrošy. Padvoch składana zaŭvažyć, bo vam chutčej za ŭsio napišuć ź jaho sapraŭdnaha akaŭnta, a ŭ paćviardžeńnie jašče skinuć hałasavoje paviedamleńnie sa, zdavałasia b, sapraŭdnym hołasam siabra.
A jak jany atrymlivajuć dostup da akaŭnta? Naprykład, rassyłajučy paviedamleńni-chitryki. Niadaŭna ich atrymali adrazu niekalki čytačoŭ Newgrodno.by, piša vydańnie.
«Dobry dzień! Ja pačatkoviec fatohraf, šukaju madelaŭ na biaspłatnuju fotasiesiju dla palapšeńnia svajho partfolia, mnie karysna i vam pryjemna, ja dapamahu vam padabrać vyjavu i łakacyju, ad vas patrabujecca tolki dobry nastroj i prysutnaść. Što skažacie?» — havorycca ŭ paviedamleńni.
Dalej fatohraf prapanuje pahladzieć jaho raboty i acanić ich. Dla hetaha dastatkova pierajści pa spasyłcy.
«Ale jak tolki vy heta zrobicie, to dostup da vašaha akaŭnta atrymajuć ašukancy. Dalej jany pasprabujuć z dapamohaj štučnaha intelektu zhienieravać vaš hołas. Paśla hetaha pačnuć «daić» śpis kantaktaŭ ad vašaha imia. Schiema dalej standartnaja, maŭlaŭ, dapamažy hrašyma terminova. Chto-niebudź dy i adhukniecca», — raspaviadaje adna z čytačak Newgrodno.by.
Jana pierajšła pa ssyłcy i vielmi pra heta paškadavała.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny23
Kamientary
? U th isnujuć złačynnyja kanały jakija kraduć asabistyja dadzienyja adnym klikam ? Skarhu Duravu ! )
Tak, kali pierajści pa škodnasnaj spasyłcy, možna vypadkova atrymać škodnasny kod na svaju pryładu i mahčyma, zhubić nad joj kantrol. Ale ž nie adrazu, bo jość ubudavanyja miechanizmy abarony ŭ tym ža androjd.
Zvyčajna pa takich spasyłkach fišynhavy sajt, jaki zaprosić aŭtaryzacyju nibyta na svoj servis, a nasamreč dla paŭtornaha ŭvachodu ŭ akaŭnt machlarom. Abo prahrama, jakuju treba samastojna zahruzić, i jakaja skradzie siesiju telehrama.
Kali machlar zojdzie ŭ akaŭnt, vam pryjdzie paviedamleńnie pra toje, i ŭ vas jašče jość sutki, kab vydalić čužuju siesiju. I ŭ hetyja sutki jon nie moža "skraści akaŭnt", bo jość zabarona vykidvać inšyja siesii, jakaja dziejničaje sutki paśla novaha ŭvachodu. Jak raz na takija vypadki.
Karaciej, dziaŭčyna nie tolki pierajšła pa spasyłcy, jana jašče atrymlivała kody aŭtaryzacyi, adsyłała ich čužym ludziam, ihnaravała paviedamleńni pra paŭtorny ŭvachod u akaŭnt.
Kab zhienieravać vaš hołos, patrebna znajści ŭ vašym akaŭncie ŭ vašych čatach vašy hałasavyja paviedamleńni. Nie va ŭsich jany jość.
Niebiaśpiečnaja spasyłka jość u artykule-pieršakrynicy. Mienavita jana ŭžo nie pracuje, i Google Safe Browsing maje jaje ŭ svajoj bazie, i sam sajt vydaleny. Była tme-ig.***/join/*** - typa nahadvała invajt u inšy čat. Buduć rabić novyja.
U kamientach abo sapraŭdnyja "chamiački", abo kantora, što pomścić telehramu za "Hołas", pratesnyja i dvarovyja čaty. Ludzi, nie zajmajciesia papulizmam i kanśpirałohijaj, lepš vyvučajcie biaśpieku ŭ internecie, spatrebicca i ŭ inšych mesendžerach, sacsietkach, bankaŭskich prahramach i h.d.