Biełarus pradaje 23-hadovuju BMW «piaciorku» za 27 500 dalaraŭ i nie hatovy tarhavacca, bo z hrašyma ŭ jaho ŭsio ŭ paradku
«Mašyna staić u ciopłym haražy i z hadami tolki daražeje».
Biełarus pradaje staruju BMW 5 za vialikija hrošy. Mašyna 2001 hoda vypusku. Pad kapotam u jaje bienzinavy ruchavik abjomam 4,4 litra mahutnaściu 286 k.s, jaki pracuje ŭ pary z 6-stupieńčataj miechaničnaj karobkaj pieradač.
Zajaŭleny prabieh — 93 tysiačy kiłamietraŭ. Apošniaja adznaka ŭ niamieckaj servisnaj knižcy — 03.06.2004 hoda. Tady prabieh aŭtamabila składaŭ 69 857 kiłamietraŭ. Jašče praz hod (17.07.2005) mašynu razmytnili ŭ Biełarusi.
Kali heta praŭda, to atrymoŭvajecca, za apošnija 19 hadoŭ, što mašyna znachodzicca tut, na joj prajechali ŭsiaho kala 20 tysiač kiłamietraŭ.
Vizualna aŭtamabil vyhladaje sapraŭdy vielmi dobra, šery skurany sałon taksama znachodzicca ŭ dobrym stanie.
Ale niahledziačy na nievialiki prabieh, dobry stan i mahutny mator, heta nie niejkaja redkaja BMW M5, a šarahovaja je39, za jakuju prosiać 27 500 dalaraŭ.
Pry hetym u apisańni pradaviec adznačaje, što jahonaja mašyna sapraŭdy adzinaja ŭ Biełarusi, a moža być, i nie tolki ŭ joj.
«Tolki dla sapraŭdnych amataraŭ, jakija razumiejuć u Je39! Prabieh rodny. Usie aryhinalnyja niamieckija dakumienty. Lubyja pravierki. Biez torhu! Z hrašyma ŭsio ŭ paradku. Śpieški ŭ prodažy niama, mašyna staić u ciopłym haražy i z hadami tolki daražeje», — havorycca ŭ apisańni.
Kamientary