Kali rehistracyjny numar z hadami paškodziŭsia ci paciarpieŭ u vyniku DTZ, jaho možna zamianić na novy. Voś jak heta zrabić.
Kudy źviartacca?
Zamienaj rehistracyjnych znakaŭ zajmajecca palihrafičny centr MUS, jaki znachodzicca ŭ Minsku pa adrasie: vulica Hrušaŭskaja, 7v.
Košt pasłuh dla fizičnych asob — 45 rubloŭ za paru abo 35 rubloŭ za zamienu adnaho znaka.
Dla jurydyčnych daražej — 60 rubloŭ i 45 rubloŭ adpaviedna.
Kali źviartacca niepasredna ŭ palihrafičny centr, to sama pracedura pa zamienie numaroŭ u zaležnaści ad čarhi zajmaje kala 15—30 chvilin.
Dla afarmleńnia zamovy pry sabie treba mieć:
— rehistracyjnyja znaki, jakija treba zamianić;
— techpašpart;
— pašpart, abo paśviedčańnie kiroŭcy;
— kvitancyju ab apłacie, apłacić možna na rachunak abo praz ARIP.
Dla jurydyčnych asob spatrebiacca: płaciežnaje daručeńnie, pašpart abo davieranaść.
Važna: kab abnavić numary, vy musicie mieć na rukach abodva znaki. Kali choć adzin ź ich zhubleny, to daviadziecca nanova prachodzić rehistracyju aŭto ŭ DAI.
Pry hetym numarnyja znaki mohuć być paškodžanyja, ale da peŭnaj stupieni. Naprykład, nie padlahajuć zamienie znaki, jakija źmiaščajuć mienš za try ličby numara abo nie źmiaščajuć litarnych simvałaŭ sieryi i numara rehijona. Ale pałamanyja na kavałki pry najaŭnaści ŭsich častak zamianić možna — hałoŭnaje, kab kavałki supadali pa razłomach.
Što rabić, kali vy nie ŭ Minsku?
Kali vy žyviacie nie ŭ stalicy i nie chočacie tudy jechać dziela abnaŭleńnia numaroŭ, to abmianiać staryja na novyja možna praź miascovaje adździaleńnie DAI. Dla hetaha nieabchodna zapoŭnić zajaŭku, apłacić pasłuhi pa vyrabie novych numaroŭ, a taksama ich dastaŭku.
Košt dastaŭki zaležyć ad adlehłaści da MREA. Dla fizičnych asob jon składaje ad 11,25 rubla za kamplekt, kali dastaŭka ažyćciaŭlajecca ŭ miežach Minskaha rajona, i da 33,75 rubloŭ, kali da miascovaha DAI bolš za 200 kiłamietraŭ (ličycie — u luby abłasny centr).
Dla jurydyčnych — ad 15 rubloŭ da 45 rubloŭ za kamplekt u zaležnaści ad adlehłaści.
Zajaŭleny termin dastaŭki numaroŭ da bližejšaha MREA DAI składzie 14 dzion. Dastaŭki niepasredna na adras pražyvańnia niama.
Padrabiaźniej aznajomicca z hadzinami pracy i płaciežnymi rekvizitami možna pa spasyłcy.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
U Biełarusi niama inšych numaroŭ - nie vydajuć. Mnie taksama nie padabajecca hety ściah, ale inšaha na numarach majaho aŭto niama i mahčyma nikoli nie budzie. Tamu vaš kamientar absalutna niedarečny
Biełarusy pieršym čynam b canu ŭ dalarach movili, dyj uvohule pytańnie było b pra toje, što rabić kali nie ŭ rb i nie zdolny zajechać na hrušaŭskuju, abo jak admovicca ad čb-numaroŭ zusim.