Biełaruski vykładčyk handlavaŭ adznakami ŭ rasijskim avijacyjnym kaledžy. Piaciorka — 75 biełaruskich rubloŭ
32‑hadovy chabarnik Alaksandr Bałucha prasiŭ kursantaŭ skinuć hrošy jamu na mabilnik.
Hramadzianin Biełarusi Alaksandr Bałucha pryznany vinavatym u atrymańni 24 drobnych chabaraŭ. Ahułam jon zarabiŭ 37 500 rasijskich rubloŭ (heta kala 1425 biełaruskich rubloŭ).
Rylski rajonny sud Kurskaj vobłaści Rasii prysudziŭ Bałuchu štraf sumaj 100 000 rubloŭ (kala 3800 biełaruskich rubloŭ). Treba apłacić i sumu atrymanych chabaraŭ.
Bałucha pracavaŭ majstram vytvorčaha navučańnia ŭ Rylskim avijacyjnym techničnym kaledžy, heta filijał Maskoŭskaha dziaržaŭnaha techničnaha ŭniviersiteta cyvilnaj avijacyi (MDTU HA) u Kurskaj vobłaści. Na hetuju pasadu jaho pryniali ŭ sakaviku 2022 hoda, a zvolnili ŭ listapadzie 2024 hoda, kali stała viadoma pra chabary.
Bałucha braŭ hrošy z kursantaŭ za farmalnuju zdaču pramiežkavaj atestacyi pa pradmiecie «Vučebnaja praktyka». Košt zaležaŭ ad žadanaj adznaki: «trojka» kaštavała ad 1000 rasijskich rubloŭ (prykładna ad 38 biełaruskich rubloŭ), «čaćviorka» — ad 1500 rasijskich rubloŭ (kala 57 biełaruskich rubloŭ), «piaciorka» — 2000 rubloŭ (kala 76 biełaruskich rubloŭ). Kursanty pieraličvali srodki na numar telefona, pryviazany da rachunku Bałuchi. Paśla hetaha jon vystaŭlaŭ abiacanuju adznaku, nie praviarajučy ničyje viedy.
Biełaruski vykładčyk pryznaŭ vinu i navat napisaŭ jaŭku z pavinnaj pa niekatorych epizodach — ale tolki paśla taho, jak jaho schapili na haračym.
Ciapier čytajuć
Siarhiej Cichanoŭski pierabraŭsia žyć u Łos-Andželes67
Kamientary
Pryabščyłsia k ciennościam miravoha ŭravnia, ale praz ruskuju kulturu.
))