U Babrujsku sudzili bandu, jakuju ŭznačalvaŭ adstaŭny vajskoviec-pałkoŭnik.
U Babrujsku sudzili bandu, jakuju ŭznačalvaŭ adstaŭny pałkoŭnik.
Historyja pačałasia ŭ lichija 90-ja. U 1994 hodzie ŭ babrujskim mikrarajonie Čarapki arhanizoŭvajecca čarhovaja banda. U jaje ŭvachodziać miascovyja złačyncy z vymoŭnymi mianuškami: Čykaciła, Płastyk, Bukajed, Aže, Hieša... A ŭznačalvaje bandu Barys Skrypčanka – vajskoviec-pałkoŭnik. U kryminalnym śviecie ŭ jaho było dźvie mianuški: Bacia i Hienierał.
U 90-ja jon pracavaŭ dyrektaram zavoda, kiravaŭ budpadraździaleńniem Minabarony.
U Hienierała byli suviazi, ale nie było mahčymaści zarablać vialikija hrošy, jon i vyrašyŭ paznajomicca z kryminalnikami.
Banda abkłała daninaj usich, chto zajmaŭsia niezakonnymi apieracyjami z kalarovymi mietałami. Skrypčanka “źlivaŭ” infu pra kanały zbytu, a bandyty karystalisia. Sam pałkoŭnik “na spravu” nie chadziŭ.
U 2000 hodzie Skrypčanka vychodzić na piensiju. Da taho momantu jon zarabiŭ kapitał, častku hrošaj ukłaŭ u babrujski rynak «Paŭnočny». Jon źjechaŭ u Maskvu, arhanizavaŭ budaŭničuju kampaniju «Ros».
U Maskvie jon sustrakaŭsia sa złodziejem u zakonie Birukovym, bolš viadomym jak Bira. Hienierał davaŭ kryminalnikam hrošy na ich patreby – to dźvie tysiačy dalaraŭ, to try.
Mahčyma, banda isnavała b i dalej, kali b u žyćci Skrypčanki nie źjaviłasia 20-hadovaja Nataša. Skrypčanka padaravaŭ joj kvateru ŭ Babrujsku, kropku ŭ handlovym centry. Ale
kali Skrypčanka źjechaŭ u Maskvu, Nataša zakruciła raman z kryminalnikam z kankurentnaj hrupoŭki Usajanam. Letam 2007 h. taho rasstralali ŭ Natašynym padjeździe.Kilerami byli supracoŭniki kampanii «Ros». Adpracoŭvajučy viersiju zabojstva z reŭnaści, śledčyja stali vyvučać asobu Skrypčanki. I zrazumieli, što heta za kamiersant.
Skrypčanku i jaho bandytaŭ zatrymali ŭ Babrujsku ŭ 2007 h., na Novy hod.
Za čas isnavańnia bandy złačyncy prydbali “krutyja” mašyny. U Baci była kvatera ŭ Babrujsku, dvuchpaviarchovy katedž, aŭtamabil BMV 7.
Pa spravie prachodziać 20 čałaviek. Biełaruski vajenny sud asudziŭ Skrypčanku na 20 hadoŭ turmy. Jašče piać bandytaŭ atrymali ad 6 da 14 hadoŭ. Ale nie ŭsie epizody ŭvajšli ŭ spravu. Pakul dakazana, što banda za čas isnavańnia ździejśniła 15 złačynstvaŭ.
Proźviščy i imiony z etyčnych mierkavańniaŭ źmienienyja.
Kamientary