Minčuk zapłacić 53 tysiačy rubloŭ štrafu za dachod, jaki jon ličyŭ zakonnym
Mužčyna davaŭ mikrazajmy.
Ekanamičny sud Minska vynies rašeńnie pa spravie hramadzianina, jaki na praciahu dvuch hadoŭ sistematyčna davaŭ pazyki fizičnym asobam biez rehistracyi pradprymalnickaj dziejnaści. Za heta jamu pryznačyli štraf, kanfiskacyju častki dachodu i padatak na astatniuju sumu.
Sa studzienia 2023 hoda pa śniežań 2024 hoda mužčyna davaŭ pazyki na płatnaj asnovie, nie majučy statusu subjekta haspadarańnia. Za hety pieryjad jon zarabiŭ kala 180 000 rubloŭ.
Ekanamičny sud pryznaŭ jaho vinavatym u parušeńni častki 2 artykuła 13.3 Kodeksa ab administracyjnych pravaparušeńniach (KAAP). U vyniku parušalniku pryznačyli:
- štraf 20 bazavych vieličyń (840 rubloŭ);
- kanfiskacyju 5% niezakonna atrymanaha dachodu (8890 rubloŭ);
- padachodny padatak na astatnija 95% dachodu pa staŭcy 26% (43 918 rubloŭ).
Ahulnaja suma, jakuju daviadziecca zapłacić parušalniku, skłała 53 649 rubloŭ.
Mužčyna kazaŭ, što padavaŭ dekłaracyi ab dachodach i vypłačvaŭ padachodny padatak. Adnak sud ustanaviŭ, što dachody byli atrymanyja ad dziejnaści, jakaja patrabuje abaviazkovaj rehistracyi i licenzavańnia. Tamu padatkovyja vypłaty nie vyzvalili jaho ad adkaznaści za parušeńnie zakanadaŭstva.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary