Vialikabrytanija prypyniła pahadnieńnie ź Biełaruśsiu ab paźbiahańni padvojnaha padatkaabkładańnia
Upraŭleńnie padatkovych i mytnych zboraŭ Vialikabrytanii paviedamiła ab prypynieńni dziejańnia pahadnieńnia ab paźbiahańni padvojnaha padatkaabkładańnia ź Biełaruśsiu. Biełaruski bok pra hetaje rašeńnie ŭžo prainfarmavała.
Udakładniajecca, što z 1 krasavika 2025 hoda pierastanie dziejničać pałažeńnie, jakoje tyčycca padatkaŭ na prybytak kampanij i inšych padatkaŭ, a z 6 krasavika — padachodnaha padatku i padatku na pryrost kapitału.
Padkreślivajecca, što rašeńnie pryniataje ŭ adkaz na dziejańni Biełarusi.
Majecca na ŭvazie, što ŭ sakaviku 2024 hoda Saviet ministraŭ Biełarusi pryniaŭ pastanovu № 164 «Ab pytańniach padatkaabkładańnia», jakaja, siarod inšaha, prypyniła da kanca 2026 hoda «vykanańnie pałažeńniaŭ mižnarodnych pahadnieńniaŭ ab paźbiahańni padvojnaha padatkaabkładańnia» z 27 «niedružalubnymi krainami».
Heta Aŭstryja, Bałharyja, Bielhija, Vialikabrytanija, Vienhryja, Ispanija, Danija, ZŠA, Irłandyja, Italija, Kipr, Łatvija, Litva, Paŭnočnaja Makiedonija, Niderłandy, Hiermanija, Polšča, Rumynija, Słavakija, Słavienija, Finlandyja, Francyja, Charvatyja, Čechija, Šviejcaryja, Šviecyja, Estonija.
Pad abmiežavańni trapili try pałažeńni pahadnieńnia — ab dyvidendach, ab pracentach, a taksama ab dachodach ad adčužeńnia majomaści. Niekatoryja krainy ŭ adkaz prypynili adpaviednaje pahadnieńnie ź Biełaruśsiu.
Kamientary