Jon budzie ŭžo mietaličnym i ŭsiaho na troch aporach.
Puciepravod ad vulicy Maskoŭskaj da praśpiekta Niezaležnaści ŭźviali ŭ 1963-m i z taho času padtrymlivali tolki kaśmietyčna.
Naturalna, pry budaŭnictvie raźlik byŭ na inšuju nahruzku. 8 lutaha ŭžo prystupili da demantažu bietonnaha pakryćcia, bardziura i belek. Tut płanujuć vykarystoŭvać inavacyjnyja mietady i materyjały ŭ rabocie, pieradaje STB.
Majstar budaŭniča-mantažnych rabot AAT «Mostabud» Alaksandr Ždanovič raskazaŭ, što źmienicca jašče: «Mastavoje zbudavańnie budzie kateharyčna inšaje. My tut bačym bietonnuju kanstrukcyju 60-ch hadoŭ pabudovy. Ciapier most budzie całkam mietaličny».
Pavodle jaho słoŭ, mietaličnyja masty chutčej uzvodziacca, možna źmienšyć kolkaść apor. Apor zaraz budzie try. Taksama źmieny zakranuć i raźmietku. Dla zabieśpiačeńnia bolš biaśpiečnaha ruchu zamiest padvojnaj sucelnaj zrobiać raździalalnuju pałasu. Admysłovaja ŭvaha budzie nadadziena zonam dla pierasoŭvańnia viełasipiedystaŭ i piešachodaŭ, abiacajuć śpiecyjalisty. Taksama pry praviadzieńni kapitalnaha ramontu budzie madernizavana aśviatleńnie.
Raniej paviedamlałasia, što most pamiž vulicaj Maskoŭskaj i praśpiektam Niezaležnaści zakryjuć da kanca hoda, ale budaŭniki abiacajuć zaviaršyć raboty raniej za hety termin.
Kamientary