Bieź pieśniaŭ Mieładze i ŭ formie: jak projduć vypusknyja ŭ škołach i dziciačych sadkach
Zusim małym dzieciam i dzieviacikłaśnikam ładziać u asnoŭnym ścipłyja śviaty, a voś adzinaccacikłaśnikam — bolš maštabnyja ŭračystaści, piša Tochka.by.
Dla vučniaŭ dziaviatych i adzinaccatych kłasaŭ apošni zvanok prahučyć u subotu, 24 maja. Vypusknyja projduć praz try tydni. Dla ich praviadzieńnia abranaja data 13 červienia.
Ułady nahadali: vypusknyja pavinny arhanizoŭvać vyklučna na bazie ŭstanoŭ adukacyi. U asobnych vypadkach — va ŭstanovach kultury. Kaviarni i restarany — dakładna mima.
Jak u hetych umovach vyrašyli pravieści śviata sami dzieci, žurnalisty spytalisia ŭ ich niepasredna. Nie zabylisia i pra samych maleńkich — vypusknikoŭ dziciačych sadkoŭ. Što mamy i taty padrychtavali svaim lubimym dzieciam?
Dziciačy sadok
Atrymańnie daškolnaj adukacyi — dobraja nahoda, kab zaachvocić dziaciej za pieršyja starańni ŭ vučobie i paradavać ich śviatam z nahody vypusku.
U adnym ź biełaruskich rehijonaŭ uračystaść vyrašyli pravieści ŭ hulniavym centry: chłopčykaŭ i dziaŭčynak buduć zabaŭlać animatary. Za interaktyŭnuju prahramu i ježu baćki dziciačych sadkoŭ zapłacili pa Br50 za čałavieka. Całkam padjomnaja suma, adznačaje surazmoŭca Julija.
«Jaki ŭžo raz adznačaju, što baćki ŭ našaj hrupie vielmi adekvatnyja. Kab vyznačycca z farmatam, spačatku ŭsie achvotnyja prapanoŭvali svaje varyjanty, potym zładzili hałasavańnie. Takim čynam vyrašyli ŭsie arhanizacyjnyja pytańni», — kaža jana.
Akramia nieaficyjnaj častki vypusknoha, u ścienach ustanovy budzie kancert. U jakaści padziaki za zaniatki ź dziećmi mamy i taty padrychtavali nievialikija padarunki vychavalnikam i piersanału: kvietki, cukierki, siertyfikaty ŭ kramy abo patrebnyja dla pracy rečy. Hety artykuł baćkoŭskich vydatkaŭ taksama niaznačny — Br30 z čałavieka.
Pasłuhi fatohrafa dla stvareńnia vypusknoha alboma abyšlisia ŭ Br20 taksama za kožnaha vypusknika. Pracu śpiecyjalista ŭ dziciačaj ustanovie zahadzia ŭzhadniaje zahadčyca: jon pavinien być zarehistravanym u rejestry.
U cełym mama vypusknika aceńvaje vydatki jak całkam pamiarkoŭnyja (usiaho Br100): kaścium chłopčyku kuplać nie treba, heta zrabili letaś. Kamplekt tady paciahnuŭ prykładna na Br80.
«U minułym hodzie Cimafieju było šeść hadoŭ. Tady praktyčna ŭsie dzieci ź jahonaj hrupy pajšli ŭ škołu. Siem čałaviek zastalisia ŭ sadzie da siami hadoŭ. Tamu faktyčna heta druhi vypuskny ŭ syna», — śćviardžaje mama chłopčyka.
Minułaje śviata Cimafieja taksama abyšłosia baćkam u minimalnuju sumu. Płan byŭ praktyčna tym ža, tolki maleńkim vypusknikam nabyli simvaličnyja prezienty za ich pieršyja pośpiechi — miedaliki i imiannyja domiki dla ałoŭkaŭ.
Dzieviacikłaśniki — u formie
Dla vypusknikoŭ bazavaj škoły šykoŭnaj uračystaści nie płanujuć, raskazała dzieviacikłaśnica adnoj rehijanalnaj škoły Śviatłana (imia źmieniena pa prośbie hieraini).
«Pakul nie dumała pra heta, ale, chutčej za ŭsio, schadžu ź siabroŭkaj u kaviarniu abo adznaču ź siamjoj — kłasam źbiracca nie budziem», — ahučvaje płany dziaŭčyna.
Akramia liniejki na apošni zvanok, dzieviacikłaśnicu čakaje ŭručeńnie atestata na śviatočnym viečary ź impravizavanym kancertam. Prahramu mierapryjemstva składali ŭnutry škoły: piedahoh-arhanizatar sumiesna ź dziećmi.
Z formaj adzieńnia dla budučaha śviata vypusknica jašče nie vyznačyłasia — całkam mahčyma, što administracyja paprosić pryjści na ŭručeńnie atestataŭ u školnaj formie. Kali farmat budzie svabodnym, Śviatłana abiare bolš malaŭničuju sukienku sa svajho harderoba. Ale jana nie płanuje prybiracca pa-asablivamu.
«Pryčosku i makijaž ja budu rabić sama, heta abyjdziecca nie bolš čym u Br40, kab dakupić raschodniki», — pryvodzić raźliki dziaŭčyna.
Śviata dla 11-ha kłasa
Na apošni zvanok u adnoj z rehijanalnych škoł praviaduć nie tolki tradycyjnuju liniejku, ale i kancert u škole dla 11-ha kłasa, raskazvaje vučanica Volha (imia źmieniena pa prośbie hieraini).
Na liniejcy staršakłaśniki stancujuć vals. Jon budzie prymierkavany da jubileju Pieramohi. Tamu doŭhi čas u formu vučniaŭ chacieli dadać piłotki i halštuki, ale zatym syšlisia na hvaździkach, jakija prymacujuć u vałasy abo na adzieńnie.
Viečar raźvitańnia sa škołaj pačniecca ŭ rytmie tradycyjnaha šeścia: vypusknikoŭ źbiaruć u rajonie miascovaha amfiteatra, sam kancert dla byłych vučniaŭ i baćkoŭ arhanizujuć u ścienach škoły. Tut ža praviaduć asnoŭnaje śviatkavańnie, jakoje pierachodzić u načnyja hulańni i zatym — u sustreču śvitanku.
Prahramu kancerta skłali niekalki adkaznych piedahohaŭ, udzielničali i sami vypuskniki.
«Usio ŭzhadniałasia z administracyjaj škoły, tamu niekatoryja numary ad maich adnakłaśnikaŭ nie ŭchvalili», — raskazvaje Volha.
Dla asnoŭnaj častki śviata dzieci zakazali videazdymku i fotazonu. Nie abyšłosia i biez stała, a taksama padarunka dla škoły i hałoŭnaha atrybutu — stužki vypusknika. Za ŭsio heta baćki addali Br350.
Ubor Volhi abyšoŭsia ŭ Br500, za pryčosku i makijaž dziaŭčyna płanuje zapłacić kala Br200. A voś na pamiatny vypuskny albom i fotasiesiju vydatkavali Br150. Usiaho ž raźvitańnie sa škołaj dla siamji Volhi abydziecca ŭ Br1200.
Zrešty, heta prykładna stolki ž, kolki płanavali vydatkavać baćki vypusknikoŭ i letaś. Tady havorka išła pra sumy ŭ dyjapazonie ad Br500 da Br1500.
Admietna i toje, što tancy na vypusknym nie mohuć prachodzić pad pieśni viadomych dziesiacihodździami vykanaŭcaŭ: vypusknikam razasłali stop-list z 87 hurtoŭ i artystaŭ, tvorčaść jakich nie vitajuć na śviacie. U śpis trapili i lubimyja mnohimi braty Valeryj dy Kanstancin Mieładze, Viera Brežnieva, Vierka Siardziučka, «Bi-2», «Animal DžaZ», «#2maši», hrupa «Niervy» i inšyja.
Zrešty, u niekatorych haradach miascovyja ŭłady abiacajuć padrychtavać dla adzinaccacikłaśnikaŭ svoj kancert, biez «zabaronki».
Vystupleńni supracoŭnikaŭ MNS, DAI i MUS
U Minsku dziaciej na apošni zvanok źbiaruć na «Minsk-Arenie». Hetuju łakacyi ŭžo niekalki hadoŭ zapar vybirajuć dla praviadzieńnia haradskoha śviatkavańnia.
U Zavodskim rajonie stalicy aprabujuć farmat adzinaha vypusknoha viečara. Pry hetym atestaty pa-raniejšamu buduć uručać u škołach, a paśla dziaciej źbiaruć na ahulnaj placoŭcy.
Što da rehijonaŭ, to ŭ Breście vučniaŭ dziaviatych i adzinaccatych kłasaŭ čakaje kancertnaja prahrama. Dla ich vystupiać staličnyja artysty. Pierakusić možna budzie na arhanizavanym fud-korcie. Dzieciam prapanujuć prajści majstar-kłasy i pahladzieć vystupleńni supracoŭnikaŭ MNS, DAI i Departamienta achovy MUS.
U Viciebsku vyrašyli pravieści ahulnaharadski apošni zvanok, a vypusknyja — addać na vodkup škołam.
U Hrodnie paśla ŭručeńnia atestataŭ i miedaloŭ chłopcy źbiarucca ŭ centry horada i paŭdzielničajuć u hrandyjoznym šeści. Pierad vypusknikami vystupiać biełaruskija i rasijskija zorki, a zavieršycca ŭračystaść salutam. Paśla jaho školniki zmohuć praciahnuć śviatkavać va ŭstanovach adukacyi i, viadoma ž, sustrenuć śvitanak.
U Homieli vyrašyli arhanizavać uračystaść tolki dla miedalistaŭ, a ŭ Mahilovie ŭžo treci raz praviaduć vypuskny viečar prosta ŭ centry.
Hety horad taksama ździvić zaprošanymi zorkami. Raniej tut užo vystupali Volha Buzava i «Dyskateka Avaryja». Pakul nieviadoma, chto stanie haściami ŭ hetym hodzie.
Čynoŭniki zabaranili pravodzić sałodkija stały na vypusknych u dziciačych sadach. A fatohrafa paklikać možna?
Baćkoŭ vyklikajuć u škoły, kab adhavaryć vučyć dziaciej za miažoj
Stała viadoma, kali ŭ škołach praźviniać apošnija zvanki i projduć vypusknyja
«Kali ŭnučka Łukašenki pastupiła na fakultet, usie dumali: hospadzie, choć by nie da mianie na śpiecyjalnaść»
Kamientary
dziakuju za piermanientnaje ŭzmacnieńnie movy - i "izbrať" i "vybrać" ciapier adno słova: "abrać"
abrOć (