Za studzień—lipień 2025 hoda praź Biełaruś u Rasiju trapiła 15,4 tysiačy lehkavych aŭtamabilaŭ — heta na 62 % mienš, čym za toj ža pieryjad 2024-ha, paviedamiŭ kiraŭnik rasijskaha analityčnaha ahienctva «Aŭtastat» Siarhiej Celikaŭ. Pry hetym Biełaruś zastajecca hałoŭnym šlacham pastavak u Rasiju aŭto premium-kłasa.
Bolš za pałovu zaviezienych mašyn byli novymi (54%), astatnija — užyvanyja (46%). Najbolšaja kolkaść prypała na BMW (3371, —72 %), Mercedes-Benz (2559, —28 %), Toyota (1199, —22 %), Audi (744, —73 %), Lexus (713, —8 %) i Porsche (713, —28 %).
U Rasiju taksama trapili praź Biełaruś luksavyja marki: 89 Rolls-Royce, 87 Lamborghini, 77 Bentley, 76 Ferrari, 10 Aston Martin, 7 Maserati i 5 McLaren.
Anałahičnaja tendencyja rezkaha spadu adznačajecca, darečy, i ŭ pastaŭkach z Kyrhyzstana — jany ŭpali na 72 %.
Rasija vymušanaja kuplać darahija aŭtamabili praz trecija krainy, bo zachodnija vytvorcy spynili prodažy paśla pačatku poŭnamaštabnaj vajny suprać Ukrainy. Z 2022 hoda Biełaruś aktyŭna zakuplała aŭto ŭ Litvie, Polščy i Hiermanii dla pieraprodažu ŭ Rasiju, ale ciapier hetyja mahčymaści abmiežavanyja.
U Biełarusi padaražejuć novyja aŭtamabili, a vybar u dyleraŭ stanie bolš ścipłym. Što źmianiajecca
Aŭtamabilnaja asacyjacyja patłumačyła, čamu źmianšajucca prodažy novych mašyn
U Biełaruś viartajecca bujny kitajski brend aŭto
Prezientavali pieršy biełaruski elektramabil. Kolki kaštuje?
Paraŭnali ceny na aŭtamabili biełaruskaj i rasijskaj vytvorčaści ŭ Biełarusi i Rasii. Roźnica vas ździvić
Kamientary