Za čatyry dni – ad aŭtorka da piatnicy – daterminovaha hałasavańnia na vybarach deputataŭ miascovych savietaŭ u Biełarusi ŭziali ŭdzieł bolš za 1,5 młn vybarcaŭ, ci 22,1% ad ahulnaj kolkaści hramadzian, što majuć prava hołasu. Pra heta paviedamili ŭ Centrvybarkamie.
U Mahiloŭskaj vobłaści prahałasavali 26,1%, u Homielskaj – 25,9%, Viciebskaj – 24,6%, Minskaj – 23,3%, Hrodzienskaj – 19,2%, Bresckaj – 19,1%, Minsku – 17,4%.
U adroźnieńnie ad papiarednich vybaraŭ, na sioletnich nieabchodnaha parohu niama. I vybary projduć u adzin tur.
Niepasredna vybary deputataŭ miascovych savietaŭ u Biełarusi adbuducca ŭ niadzielu, 25 krasavika.
Prahałasavać možna ŭ luby čas ad 8-j ranicy da 8-j viečara. Žycharam Biełarusi treb vybrać 21 300 deputataŭ dla raboty ŭ 1 495 miascovych savietach.
Kamientary