Vyjšaŭ na svabodu dyrektar haziety «Biełarusy i rynak» Kanstancin Załatych
Dyrektaru haziety «Biełarusy i rynak» prysudzili 4 hady kałonii pa niekalkich palityčnych artykułach. Jon adbyŭ pakarańnie całkam.
Kanstancina Załatych aryštavali 18 maja 2022 hoda.
6 krasavika 2023 jamu prysudzili 4 hady kałonii pa abvinavačvańni ŭ abrazie pradstaŭnika ŭłady (art. 369 KK), abrazie Łukašenki (art. 368 KK), raspalvańni varožaści (art. 130 KK) i pieravyšeńni ŭłady ci słužbovych paŭnamoctvaŭ (art. 426 KK).
Pres-słužba Hienprakuratury pisała ab niekatorych detalach abvinavačvańnia. Pa ich viersii, Kanstancin Załatych viedaŭ ab uniesienych u zakon ab ŚMI źmienach, jakija pieraškadžali dvum hramadzianam Polščy vałodać sumarna 28% akcyj tavarystva.
Tamu jon, biez praviadzieńnia ahulnaha schodu akcyjanieraŭ, samastojna ŭnios źmieny ŭ statut ZAT ab vyklučeńni sa składu zasnavalnikaŭ zamiežnych hramadzian i zarehistravaŭ jaho ŭ Hałoŭnym upraŭleńni justycyi Minskaha harvykankama, pisała «Miedyjazona». A paśla pradstaviŭ jaho razam ź inšymi dakumientami ŭ Ministerstva infarmacyi. Heta stała padstavaj dla taho, kab ZAT praciahnuła funkcyjanavać, a Załatych — praciahvaŭ źjaŭlacca jaho dyrektaram.
Pa viersii prakuratury, heta parušyła pravy akcyjanieraŭ i naškodziła dziaržaŭnym i hramadskim intaresam.
Sud pa spravie Załatych prachodziŭ u zakrytym režymie.
13 lipienia 2023 hoda KHB dadaŭ žurnalista ŭ «terarystyčny śpis». 21 lipienia 2023 hoda MUS uniesła jaho ŭ «śpis ekstremistaŭ».
Kamientary