Ukraina ŭpieršyniu padbiła tankier rasijskaha cieniavoha fłotu ŭ Mižziemnym mory
Słužba biaśpieki Ukrainy ŭpieršyniu praviała śpiecapieracyju ŭ niejtralnych vodach Mižziemnaha mora i atakavała rasijski tankier QENDIL, jaki, pavodle ŭkrainskaha boku, naležyć da tak zvanaha cieniavoha fłotu Rasii. Pra heta paviedamili krynicy Ukrainskaj słužby Bi-bi-si ŭ SBU.
Padčas «pramoj linii» z Uładzimiram Pucinym viadučy paviedamiŭ jamu, što ŭ Mižziemnym mory byŭ atakavany «naš tankier». U adkaz Pucin zajaviŭ, što nie ličyć straty istotnymi: na jaho dumku, heta nie parušyć pastaŭki, a tolki stvoryć dadatkovyja ryzyki, Rasija ž na ataki abaviazkova adkaža.
Jak paviedamlajuć u SBU, apieracyja była šmatetapnaj i pravodziłasia padraździaleńniem «Alfa» z vykarystańniem pavietranych bieśpiłotnikaŭ. Tankier byŭ padbity na adlehłaści bolš jak dźvie tysiačy kiłamietraŭ ad terytoryi Ukrainy.
Pavodle źviestak krynic, u momant ataki sudna nie pieravoziła hruz i było pustym, tamu niebiaśpieki dla ekałohii rehijona nie ŭźnikła. U SBU adznačajuć, što Rasija vykarystoŭvała hety tankier dla abychodu sankcyj i atrymańnia srodkaŭ, jakija išli na viadzieńnie vajny suprać Ukrainy, tamu sudna ličyłasia zakonnaj vajskovaj cellu.
Krynicy taksama śćviardžajuć, što ŭ vyniku ŭdaru QENDIL atrymaŭ surjoznyja paškodžańni i bolš nie moža vykarystoŭvacca pa pryznačeńni.
Raniej ukrainskija śpiecsłužby ŭžo nanosili ŭdary pa tankierach Rasii ŭ Čornym mory.
U ZŠA ŭchvalajuć udary pa «cieniavym fłocie» Rasii
Ukrainskije morskije drony podbili v Čiernom morie očieriednoj tankier rośsijskoho «tienievoho fłota» VIDIEO
Tankier «Kajras», atakavany dronami USU, sieŭ na miel la ŭźbiarežža Bałharyi
U Čornym mory harać užo dva tankiery z rasijskaha cieniavoha fłotu
Kamientary