«Płot kryvi». Mienavita heta robiać u adnoj ź minskich miedustanoŭ
Minčuk Anatol uziaŭ tałončyk u elektronnaj čarzie na analiz kryvi ŭ adnoj sa staličnych miedustanoŭ. Pakul čakaŭ, źviarnuŭ uvahu na pamyłku ŭ biełaruskamoŭnym nadpisie na kvitku: tam «zabor krovi» pierakłali z ruskaj movy jak «płot kryvi», zaŭvažyła «Lusterka».
Anatol padzialiŭsia ŭ sacsietcy fota tałončyka z palikliniki i ź ironijaj padpisaŭ jaho: «Zabor krovi» pa-biełarusku». Na kvitku było napisana, što mužčynu čakaje «płot kryvi», što vyhladaje davoli kamična.
Pamyłka ŭźnikła praz asablivaści moŭ: u ruskaj movie słova «zabor» moža abaznačać i aharodžu, i praces uziaćcia analizu, a ŭ biełaruskaj hetyja značeńni pieradajucca roznymi słovami. Pravilna było b napisać «uziaćcie kryvi», ale pierakładčyk vybraŭ značeńnie słova «zabor» jak «aharodža» i pierakłaŭ jaho jak «płot».
Karystalniki ŭ kamientaryjach pačali žartavać. Adna žančyna pryznałasia, što spačatku razhubiłasia, a potym navat padumała, što «płot kryvi» — heta niejki miedycynski termin na łacinie. Inšaja adznačyła, što i niejrasietki, i Google-pierakładčyk prapanujuć pravilny biełaruski varyjant.
Dalej kamientatary razharnuli sapraŭdny fiestyval humaru: uspaminali pieśniu Juryja Łazy «Płot», pryvodzili prykłady inšych niedarečnych pierakładaŭ, prydumlali «trylery» pra kroŭ i płaty, a taksama dzialilisia historyjami z vakzałaŭ i ŭniviersitetaŭ, dzie aŭtamatyčny pierakład vyhladaŭ nie mienš absurdna.
Stvaryli pietycyju da kampanii Meta z prośbaj dadać biełaruskuju movu ŭ Instagram i Threads
8‑hadovuju dziaŭčynku ź invalidnaściu nie chacieli puskać u minskaje kafe. Kazali, što jaje vazok zajmaje šmat miesca
Biełaruski čynoŭnik zahavaryŭ pa-biełarusku, čym vielmi ździviŭ i paradavaŭ ludziej
Buchi Ihar ź Viciebska ŭžo nie viedaje, jak adbicca ad padarunkaŭ ad roznych brendaŭ. I ŭžo zvalniajecca z zavoda
Kamientary
III - niedasiažny ideał
IV - niechta łaziŭ za jabłykami
II - duel na štachietach la sielskaj dyskateki
I - adznaka pa biełaruskaj movie aŭtaru pierakłada.