U Minsku aŭtaślesar uziaŭ mašynu na ramont, a jeździŭ na joj sam
U Minsku aŭtaślesar niekalki miesiacaŭ karystaŭsia aŭtamabilem klijenta, staŭšy ŭ vyniku fihurantam kryminalnaj spravy, paviedamlaje minskaja milicyja.
U Centralnaje RUUS horada Minska źviarnuŭsia mužčyna z zajavaj ab uhonie. Jon niekalki miesiacaŭ tamu pieradaŭ svaju mašynu aŭtaślesaru dla ramontu i papiarednie apłaciŭ pasłuhi, ale paśla stali rabicca dziŭnyja rečy.
Adnojčy ŭładalnik mašyny atrymaŭ paviedamleńnie pra pieravyšeńnie chutkasnaha režymu i fota jaho aŭto, za rulom jakoha byŭ nieviadomy mužčyna.
Pravierka pakazała, što 28‑hadovy aŭtaślesar braŭ hrošy za ramont, a paśla niekalki miesiacaŭ jeździŭ na hetaj mašynie pa svaich spravach. Pry hetym jon štotydniova dasyłaŭ uładalniku spravazdačy ab nibyta vykananaj pracy, abiacajučy chutka viarnuć aŭto.
Pa fakcie zdareńnia raspačataja kryminalnaja sprava za ŭhon transpartnaha srodku.
Kamientary