Ałkahol, narkotyki, uhony… Zabavy pryjacielaŭ skončylisia kryminalnaj spravaj
U kastryčniku ŭ Chocimsku z roźnicaj u adzin dzień adbylisia dva ŭhony transpartnych srodkaŭ. Spačatku źnik Mercedes-Benz 208 D, pryparkavany kala žyłoha doma, zatym — «VAZ 21053».
Abodva vypadki abjadnoŭvała toje, što dźviery aŭtamabilaŭ byli nie začynienyja, a ŭ zamku zapalvańnia znachodziŭsia kluč. Paśla ŭhonaŭ mašyny ŭ technična spraŭnym stanie byli znojdzienyja na vulicach viosak Chocimskaha rajona. Padčas ahladaŭ miescaŭ zdareńnia i samich aŭtamabilaŭ śledča-apieratyŭnaj hrupaj byli kanfiskavanyja roznyja ślady, u tym liku pachavyja, paviedamlaje Dziaržkamitet sudovych ekśpiertyz.
Vyśvietliłasia, što da ŭhonaŭ mohuć być datyčnyja dvoje raniej sudzimych miascovych žycharoŭ va ŭzroście 19 i 27 hadoŭ. Ich adzieńnie i bijałahičnyja ŭzory byli nakiravanyja na sudovyja ekśpiertyzy.
Pavodle vynikaŭ trasałahičnaj ekśpiertyzy, praviedzienaj u Kaściukovickim mižrajonnym adździele Dziaržaŭnaha kamiteta sudovych ekśpiertyz, ustanoŭlena, što śled na škle VAZ moh być pakinuty kurtkaj 19‑hadovaha fihuranta. Vyniki adarałahičnaj ekśpiertyzy, praviedzienaj u centralnym aparacie Dziaržaŭnaha kamiteta sudovych ekśpiertyz, pakazali, što pachavy śled, źniaty z pasažyrskaha siadzieńnia «VAZ», taksama pachodzić ad małodšaha fihuranta.
U abodvuch vypadkach pachavyja ślady, źniatyja z rula i ź siadzieńniaŭ, pachodziać ad zhadanaha 27‑hadovaha hramadzianina. Śledčyja ŭzbudzili ŭ dačynieńni da ich kryminalnuju spravu.
Ustanoŭlena, što ŭ momant uhonu pryjacieli znachodzilisia ŭ niećviarozym stanie, a niaŭdały kiroŭca nie maje prava kiravańnia transpartnym srodkam. Aŭtamabili jany brali, kab prosta pakatacca.
Akramia taho, starejšaha ź fihurantaŭ čakała jašče adna niaŭdača. U jaho domie na haryščy supracoŭniki milicyi vyjavili padazronyja vysušanyja raśliny. Pavodle vynikaŭ sudovaj ekśpiertyzy ŭstanoŭlena, što heta raślinnaje rečyva źjaŭlajecca niebiaśpiečnym narkatyčnym srodkam, nie vykarystoŭvajemym u miedycynskich metach, — marychuanaj, masaj adzin kiłahram.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1717
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm17
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3434
Kamientary