«Heta dakładna nie pra baraćbu z ułasnymi partyzanami».
Na terytoryi Mazyrskaha naftapierapracoŭčaha zavoda ŭ pačatku žniŭnia 2025 hoda źjaviłasia sistema supraćpavietranaj abarony, padobnaja da rasijskaj zienitna-rakietnaj ustanoŭcy «Tor». Heta vyśvietlili «Schiemy» («Radyjo Svaboda»), praanalizavaŭšy spadarožnikavyja zdymki Planet Labs i apytaŭšy ekśpiertaŭ.
Spadarožnikavyja zdymki za minuły hod, jakija daśledavali žurnalisty, śviedčać, što raboty pa ŭładkavańni pazicyi dla sistemy SPA na terytoryi zavoda pačalisia ŭ studzieni 2025 hoda — za siem miesiacaŭ da taho, jak tam źjaviŭsia sam zienitna-rakietny kompleks.
Tady ž, u studzieni 2025 hoda, pra źjaŭleńnie i inšych achoŭnych zbudavańniaŭ — ahniavych punktaŭ, akopaŭ i błokpastoŭ — vakoł Mazyrskaha NPZ paviedamlaŭ manitorynhavy prajekt «Biełaruski Hajun».
Sistema SPA, jakuju letam minułaha hoda na terytoryi naftabazy zafiksavaŭ spadarožnik, moža być rasijskim zienitna-rakietnym kompleksam «Tor», ličyć avijaekśpiert Anatol Chrapčynski. Na heta, pavodle jaho słoŭ, pakazvaje forma cieniu ad ustanoŭki, jakuju najlepš vidać na zdymkach Planet Labs za 16 studzienia 2026 hoda.
«My bačym, što ŭ abjekta na zdymku cień padobny na tank (vieža i šasi), a jaho daŭžynia — šyrynia dakładna adpaviadaje pamieram takoj sistemy, jak «Tor». Chutčej za ŭsio, heta sučasny «Tor-M2», jaki pabudavany, siarod inšaha, na šasi ad biełaruskaha «Minskaha zavoda kołavych ciahačoŭ», — skazaŭ Chrapčynski ŭ kamientary «Schiemam».
U listapadzie 2022 hoda telehram-kanał «Live. Soobŝiestvo žieleznodorožnikov Biełarusi» paviedamlaŭ, što Rasija pieradała Biełarusi jak minimum 15 sistem SPA «Tor-M2».
«Heta mienavita toj kłas SPA, jaki aptymizavany pad nizkavyšynnyja, małahabarytnyja mety, u pryvatnaści, vialikija ŭdarnyja drony, tamu jaho razhortvańnie — heta łahičny elemient previentyŭnaj abarony. Padobna na toje, što Łukašenka sprabuje minimizavać ryzyku «incydentaŭ», u tym liku mahčymych dyviersij, navat z rasijskaha boku, i heta dakładna nie pra baraćbu z ułasnymi partyzanami», — patłumačyŭ Chrapčynski.
Avijaekśpiert dadaŭ, što Alaksandr Łukašenka paśladoŭna sprabuje paźbiehnuć pramoha ŭdziełu ŭ bajavych dziejańniach, i abarona SPA — adzin sa sposabaŭ trymacca hetaha kursu.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary
heta chutčej psichałahičnaja abarona)
Rohat
Ukrainie ni chapaje chajmarsaŭ džavialinaŭ ińšych petryotaŭ abaranić siabie
I navažycca Ukraina " pulać" pa najlepšamu partnioru sa słoŭ Trampa ...
Patencyjnyja ..drony fłaminha patencyjnaja abarona " pes" zes
Patencyjna virtualna šmat " kava u Jałcie" ad Budanava Padalaka u reale mindič šmindič i Jermak