Dzie ŭ Minsku možna ŭbačyć skulptury koniej — simvałaŭ 2026 hoda
Koń, jaki hraje ŭ narodnym lalečnym teatry, skakun, što vystupaje ŭ cyrku, i konik, jaki dapamahaje ŭ budaŭnictvie Minskaha traktarnaha zavoda. Dzie ŭ horadzie možna sustreć skulpturny simvał hoda, daviedaŭsia karespandent ahienctva «Minsk-Naviny».
Batlejka
Aŭtar samaj teatralnaj šmatfihurnaj kampazicyi stalicy — mastak i skulptar Leanid Zilbier. Jaje pastavili ŭ 1981 hodzie ŭ Sendajskim skviery za Muzyčnym teatram.
U centry skulptury — kazak na kani, jaki vyjazdžaje sa stvorak batlejki. Pobač znachodziacca ŭśmiešlivy maleńki čort, a taksama Anton z kazoj i Antonicha. Bronzavyja fihurki ažyvajuć u dumkach. Zdajecca, jašče imhnieńnie — i kaza vyrviecca z ruk, a kazak na žvavym skakunie pamčycca daloka-daloka…
Hałava kania
U malaŭničym Lakeside Park amatary mastactva mohuć palubavacca skulpturnymi kampazicyjami viadomych biełaruskich majstroŭ. Kožnaja z 17 kanceptualnych rabot aryhinalnaja.
Adnych vabiać tvory, što nahadvajuć pra ŭzajemasuviaź z pryrodaj i rodam («Kamienny kod», «Brama», «Malitva», «Słuchajučy cišyniu»), inšych — niešta bolš śmiełaje, što asacyjujecca ź siłaj duchu («Praz praliŭ Basfor», «Transfarmacyja» i «Vialikaja hałava kania»).
Ekipaž hubiernatara Zacharyja Karniejeva
Skulptura znachodzicca ŭ Vierchnim horadzie.
U bronzavuju karetu-dvojku aŭtarstva Uładzimira Žbanava siadajuć i žančyny «siarebranaha» ŭzrostu, i dzieci. Apošnija nie suprać asiadłać žvavych skakunoŭ, žadajučy adčuć siabie sapraŭdnymi vieršnikami.
Koń i vierabiej
Bronzavy skulpturny tvor Uładzimira Žbanava na płoščy kala Kamaroŭskaha rynku — nie žvavy skakun, jaki imkniecca ŭvyś, a spakojny konik, što nie choča pakidać heta miesca.
Adnak niekalki hadoŭ tamu słaŭnaj žyviolinie i vierabju, jaki siadzić na jaje śpinie, pryjšłosia nienadoŭha pakinuć rodnyja pienaty. Kampazicyju razam z «Damaj z sabačkam» i «Fatohrafam» na niekalki tydniaŭ demantavali dla restaŭracyjnych rabot.
Darečy, u konika Žbanava byŭ realny pratatyp — čempijonka z Ratamki pa mianušcy Ekśpiertyza. A ptuška, jakaja siadzić na joj, pieratvaryłasia ŭ vierabja-vieršnika, jaki vykonvaje žadańni.
Himnastka na kani
Kala budynka Biełdziaržcyrka paśla zaviaršeńnia jaho maštabnaj rekanstrukcyi ŭ 2010 hodzie raźmiaścili skulpturny ansambl aŭtarstva Siarhieja Bandarenki: «Himnastka na kani», «Kot, čarapacha i słon-žanhlor», «Kłoŭn i pievień z parasiom», «Kłoŭny-muzyki».
U hierojaŭ niama pratatypaŭ, i heta nie ilustracyi realnych numaroŭ. Adnak na emblemie cyrka vyjaŭlenaja vieršnica na kani, i taki siužet skulptar abyhraŭ u centralnaj kampazicyi.
Siarhiej Bandarenka raskazvaŭ, što pracujučy nad tvoram, jon pryjazdžaŭ na stajniu, raźmiaščaŭ stanok u zahonie dla vyhułu i lapiŭ z natury. Bo važna zafiksavać charakternyja ruchi skakuna.
Hrabar
Jašče adnaho konika možna ŭbačyć u skviery «70 hadoŭ MTZ». Pobač ź viernaj pamočnicaj znachodzicca hrabar z rydloŭkaj.
Tak spradvieku nazyvali najomnaha rabotnika. Hrabary kapali sažałki, vyvozili lišnija piasok, hlinu, kamiani. Pry budaŭnictvie Minskaha traktarnaha zavoda ziemlakopy z końmi pieramiaścili niamała hruntu i budmateryjałaŭ.
Heta kampazicyja, jakuju stvaryli Viktar i Maksim Paleščuki razam ź Iharam Tapčyłkam, — danina pamiaci tym, čyja praca stała padmurkam zavoda.
Pomnik Alaksandru Nieŭskamu
U listapadzie 2023‑ha ŭ skviery kala skryžavańnia vulicy Novavilenskaj i Staravilenskaha trakta, pobač z rasijskaj ambasadaj, pastavili pomnik Alaksandru Nieŭskamu.
Kniaź z charuhvaj u pravaj ruce siadzić na kani. Maštaby manumienta ŭražvajuć: vyšynia — 11 mietraŭ, vaha — kala 4 ton.
Pa pierymietry pastamienta adlityja try bareljefy z vyjavami padziej z žyćcia Alaksandra Nieŭskaha: błasłavieńnie na šlub z połackaj kniazioŭnaj Alaksandraj Bračysłavaŭnaj, epizod ź Nieŭskaj bitvy, scena pryjomu pasłoŭ z prapanovaj pryniać katalickuju vieru.
Kamientary
tak i jość na žal (