Mierc abvinavaciŭ Trampa ŭ «maštabnaj eskałacyi» kanfliktu ź Iranam
Fiederalny kancler Hiermanii Frydrych Mierc rezka raskrytykavaŭ prezidenta ZŠA Donalda Trampa za jaho dziejańni ŭ vajnie ź Iranam. Pra heta jon zajaviŭ 27 sakavika, paviedamlaje Tagesschau.
Mierc ličyć, što toje, što zaraz robić Tramp — heta nie deeskałacyja i nie sproba dasiahnuć mirnaha vyrašeńnia, a «maštabnaja eskałacyja ź niavyznačanym vynikam».
«Heta eskałacyi, jakija ŭžo ŭjaŭlajuć pahrozu. Nie tolki dla tych, kaho heta niepasredna tyčycca, a dla ŭsich nas», — padkreśliŭ jon.
Taksama niamiecki kancler vykazaŭ sumnievy nakont mahčymaści źviaržeńnia iranskaha režymu.
«Ci sapraŭdy metaj źjaŭlajecca źmiena režymu? Kali heta meta, ja nie vieru, što jany jaje dasiahnuć. Takija sproby ŭ bolšaści svajoj zakančvalisia niaŭdačaj», — dadaŭ Mierc.
Taksama jon vykazaŭ sumnieŭ adnosna taho, što vajna ZŠA i Izraila suprać Irana blizkaja da svajho zaviaršeńnia.
Raniej prezident ZŠA Donald Tramp raskrytykavaŭ Mierca za zajavy pra toje, što Bierlin nie ličyć svajoj spravaj vajnu ZŠA ź Iranam. Amierykanski lidar adkazaŭ jamu, što tady «Ukraina — heta nie naša vajna».
Tramp: Kali dla Jeŭropy vajna ŭ Iranie — nie ich vajna, to i vajna va Ukrainie — nie naša
Čamu Mierc tak strymana reahuje na Trampaŭ zamach na Hrenłandyju? Bo Hiermanija najbolš zaležnaja ad ZŠA
Mierc: Jeŭropa pavinna navučycca havaryć movaj siły
Mierc: Rasija zahrazła ŭ strašnym varvarstvie, i heta nie źmienicca
Mierc rezka raskrytykavaŭ rašeńnie ZŠA źmiakčyć sankcyi suprać rasijskaj nafty
Kamientary
A tiepieŕ umudriłsia zaimieť płochije otnošienija so vsiemi supierdieržavami: s Rośsijej poniatno, s Kitajem oskandaliłsia, jeho nie chotieli u siebia vidieť, a tiepieŕ jeŝie i s Amierikoj konflikt.