Mikita Draniec pavinien byŭ vyjści na svabodu ŭ pačatku sakavika paśla zakančeńnia šaścihadovaha terminu, ale ŭ studzieni adbyłosia novaje sudovaje pasiadžeńnie, piša telehram-kanał «AČK-Biełaruś».
Mikitu Dranca abvinavacili pa artykule 411 Kryminalnaha kodeksa — za nibyta «złosnaje niepadparadkavańnie administracyi kałonii». U vyniku sud vyrašyŭ padoŭžyć jamu termin jašče na hod.
Da hetaha Draniec užo pravioŭ jak minimum čatyry miesiacy ŭ pamiaškańni kamiernaha typu ŭ škłoŭskaj kałonii №17.
Ciapier 27‑hadovaha žychara Biarozy Mikitu Dranca zatrymali 2 sakavika 2021 hoda ŭ miežach kryminalnaj spravy suprać aktyvistaŭ anarchisckaha ruchu z Bresckaj vobłaści. Jamu byli vystaŭlenyja abvinavačvańni ŭ arhanizacyi abo ŭdziele ŭ hrupavych dziejańniach, što parušajuć hramadski paradak, a taksama va ŭdziele ŭ nibyta złačynnaj arhanizacyi.
Paśla zatrymańnia jaho pieravieźli ŭ Minsk i źmiaścili ŭ SIZA №1. U studzieni 2022 hoda materyjały spravy pieradali ŭ prakuraturu — usia sprava tak zvanaha «Revalucyjnaha dziejańnia» składałasia ź vielmi vialikaj kolkaści tamoŭ.
U krasaviku 2022 hoda pačaŭsia sudovy praces u Minskim haradskim sudzie, ale jaho zrabili zakrytym, spasłaŭšysia na najaŭnaść materyjałaŭ «ekstremisckaha charaktaru».
U vieraśni 2022 hoda sud vynies prysud: 6 hadoŭ kałonii va ŭmovach uzmocnienaha režymu i štraf. Paśla hetaha ŭ 2023 hodzie jaho etapavali ŭ kałoniju ŭ Viciebsku, a paźniej, u 2025 hodzie, pieraviali ŭ Škłoŭskuju kałoniju.
Usiaho pa toj spravie prachodzili dziesiać palitźniavolenych — kaardynatarka vałanciorskaj słužby «Viasny» Marfa Rabkova, vałancior Andrej Čapiuk, palitźniavolenyja aktyvisty anarchisckaha ruchu Akichira Hajeŭski-Chanada, Alaksandr Franckievič, Alaksiej Hałaŭko, Alaksandr Kaźlanka, Pavieł Špietny, Mikita Draniec, Andrej Marač, Daniła Čul.
Abvinavačanyja atrymali terminy ad 17 da 5 hadoŭ. Ź ich, akramia Mikity Dranca, praciahvajuć adbyvać pakarańnie Alaksiej Hałaŭko (atrymaŭ 12 hadoŭ) i Alaksandr Franckievič (atrymaŭ 17 hadoŭ). Astatnija ci ŭžo adbyli ŭvieś termin i vyjšli na svabodu, ci byli vyzvalenyja pa pamiłavańni ŭ vyniku ździełki Alaksandra Łukašenki z amierykancami i prymusova vydvaranyja za miažu.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary