Novy sposab vykarystańnia kurjeraŭ: zabirać na pošcie skrynki z abutkam
Staličnaja milicyja zatrymała 21‑hadovaha minčuka, jaki staŭ achviaraj novaj schiemy padmanu telefonnych machlaroŭ.
Małady čałaviek atrymaŭ list nibyta ad «Biełpošty» i pieradaŭ złamyśnikam kod z SMS. Paśla hetaha jamu patelefanavali ŭ miesiendžary, pradstaviŭšysia supracoŭnikami pravaachoŭnych orhanaŭ, i paviedamili, što jaho padazrajuć u dropinhu, paviedamlaje «Milicyja Minska».
Dropinh (ci dropierstva) — heta ŭdzieł u złačynstvie, kali čałavieka (dropa) vykarystoŭvajuć jak pasrednika dla vyvadu abo abnajaŭleńnia skradzienych hrošaj.
Kab paźbiehnuć kryminalnaj adkaznaści, jamu zahadali vykonvać «sakretnyja zadańni».
Spačatku chłopiec pieravioŭ na kryptakašalok afierystaŭ bolš za 20 tysiač rubloŭ, atrymanych u kredyt, a taksama pazyčanych u svajoj babuli i nieznajomaj piensijanierki.
Potym pa zadańni kurataraŭ u adździaleńni «Biełpošty» jon atrymaŭ minimum šeść pasyłak z abutkam.
Tam byli schavanyja hrošy abmanutych biełarusaŭ, jakija dumali, što dekłarujuć svaje źbieražeńni. Takim sposabam jon atrymaŭ kala 80 tysiač rubloŭ, jakija taksama pieravioŭ na kryptakašalok machlaroŭ.
Kamientary