Z asobnym uvachodam i zonaj barbiekiu. U «Minsk-Śviecie» jość takaja kvatera
U sučasnych žyłych rajonach Minska časam možna sustreć toje-sioje niečakanaje. Naprykład, u «Minsk-Śviecie» siarod tysiač zvyčajnych kvater na pavierchach jość i prapanova dla vybranych — žyllo na pieršym paviersie z asobnym uvachodam, dy jašče i z zonaj barbiekiu, piša Onliner.by.
Kvatera płoščaj 41,9 kv. m znachodzicca na pieršym paviersie 15‑paviarchoŭki na vulicy Savickaha, 2. Heta dom pad nazvaj «Sieuł». Uvachod u adnušku znachodzicca niedaloka ad padjezda i ŭjaŭlaje saboj šklanuju kanstrukcyju, jakuju lohka zbłytać ź jakim-niebudź hramadskim abjektam typu kramy.
Na płaniroŭcy vidać, što ŭ kvatery jość terasa, vieranda i ahulnaja zona. Zdajecca, uvajści ŭnutr možna nie tolki z vulicy, ale i ź liftavaha chołu — jak kamu zručna.
Žyłaja prastora maje vysokija stoli, tamu stała mahčymym stvareńnie tak zvanaj antresoli — druhoha paviercha, na jakim tradycyjna raźmiaščajecca spalnia.
— Stoli vyšynioj 4 mietry dazvolili stvaryć druhi ŭzrovień (spalnia), što značna pavialičvaje karysnuju płošču, — padkreślivaje ryełtar. — Dziakujučy druhomu pavierchu realnaja płošča składaje 56,4 mietra.
Dyzajn interjera chitrasplatany. Voś jak jon apisvajecca ŭ abjavie:
— Kožnaja detal pradumana dla vašaj zručnaści — ubudavanyja šafy i antresoli dla zachoŭvańnia rečaŭ. Leśvica z masiva duba, vanna z hidromasažam, usia technika italjanskaha brenda, vinnaja šafa. Ścieny raśpisany mastakom uručnuju, što nadaje pamiaškańniu indyvidualnaść i styl.
Nu a na terasie ŭletku možna smažyć šašłyki:
— Svaja aharodžanaja terytoryja, dzie možna abstalavać zonu dla barbiekiu. Dazvoł ad pažarnaj słužby atrymany!
Košt niestandartnaj dvuchuzroŭnievaj kvatery — $139 000.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju10
Kamientary