Biełaruski sinoptyk Dźmitryj Rabaŭ u efiry telekanała ANT raskazaŭ, jakim budzie nadvorje ŭ krainie na apošnim tydni hetaha miesiaca — z 25 pa 31 maja. Pavodle jaho słoŭ, kaniec miesiaca nie paraduje ciapłom: čakajecca pachaładańnie, niaŭstojlivaje nadvorje i rezkija vahańni tempieratur.
U paniadziełak budzie adnosna spakojna: pieramiennaja vobłačnaść, bieź istotnych daždžoŭ, ale ranicaj mahčymy tuman. Tempieratura nočču +9…+14, dniom da +24.
U aŭtorak nadvorje sapsujecca — pryjdzie chałodny front. Pačnucca karotkačasovyja daždžy, miescami navalnicy i mocny viecier. Tempieratura budzie nieraŭnamiernaj: chaładniejšaja na paŭnočnym uschodzie i ciaplejšaja na paŭdniovym zachadzie.
U sieradu zachavajecca vobłačnaść z prajaśnieńniami, mahčymyja daždžy i navalnicy, a taksama chałodny paryvisty viecier. Dniom budzie ŭžo značna bolš prachałodna — maksimum da +17.
U čaćvier čakajucca daždžy i navalnicy, choć časam budzie vyhladać sonca. Nočču stanie jašče chaładniej — da +4…+9, a dniom nie bolš za +14.
U piatnicu istotnych źmien nie pradbačycca: zachavajecca pachmurnaje nadvorje z daždžami, miescami mocnymi. Tempieratura zastaniecca nizkaj dla kanca maja.
U vychadnyja taksama budzie nie vielmi ŭtulna. U subotu — vobłačna, z daždžami i navalnicami, jašče krychu pachaładaje. U niadzielu — pieramiennaja vobłačnaść, nievialikija daždžy i tumany ranicaj, bačnaść moža paharšacca.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary