Bard Aleś Kamocki začytaŭ uryvak z «Doŭhaj darohi dadomu».
Bard Aleś Kamocki začytaŭ uryvak z «Doŭhaj darohi dadomu».
U dzień naradžeńnia Vasila Bykava, 19 červienia, u Sankt-Pieciarburhu prajšła pamiatnaja impreza ŭ honar Narodnaha piśmieńnika Biełarusi. Mierapryjemstva było arhanizavana moładździu Sankt-Pieciarburha i MHA «Zhurtavańnie biełarusaŭ śvietu «Baćkaŭščyna».
Viečaryna prachodziła ŭ biblijatecy nacyjanalnych kultur. Heta tradycyjnaje miesca sustreč biełarusaŭ, jakija žyvuć u horadzie na Niavie.
Śpiecyjalna na mierapryjemstva ź Biełarusi pryjechaŭ viadomy bard Aleś Kamocki. Jon padzialiŭsia svaimi ŭspaminami pra Vasila Bykava: «Mnie sapraŭdy paščaściła być znajomym z Bykavym. My šmat razmaŭlali. Razmaŭlali jak starejšy mužyk z maładziejšym. Roźnica va ŭzroście nie pieraškadžała, a časam navat spryjała lepšamu razumieńniu adzin adnaho. Biezumoŭna, hetaje znajomstva paŭpłyvała na majo žyćcio i vielmi šmat mnie dało».
Padčas imprezy Aleś Kamocki nie tolki paradavaŭ prysutnych svaimi pieśniami, ale jašče i vystupiŭ u jakaści vykładčyka biełaruskaj movy. Jon pračytaŭ prysutnym dyktoŭku na biełaruskaj movie — uryvak z knihi Vasila Bykava «Doŭhaja daroha dadomu».
Nie abyšłosia i biez padarunkaŭ. Usie ŭdzielniki imprezy atrymali dyski z aŭdyjozapisami aŭtarskaha čytańnia knihi ŭspaminaŭ Vasila Bykava «Doŭhaja daroha dadomu», a taksama nabor paštovak ad hramadskaj kulturnickaj kampanii «Budźma biełarusami!».
Akramia taho, Aleś Kamocki pieradaŭ biblijatecy nacyjanalnych kultur knihi Vasila Bykava i niekalki aŭdyjozapisaŭ «Doŭhaj darohi dadomu».
-
Zabity ŭ Polščy rasijski mastak adnu z karcin pradaŭ za $20 tysiač i zadanaciŭ USU, a apošnija miesiacy atrymlivaŭ pahrozy paśla taho, jak pačaŭ vyśmiejvać Kadyrava
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
Kamientary