U piatnicu nac čakaje čverćfinał: Brazilija – Hałandyja.
Brazilija pieramahła ŭ paniadziełak zbornuju Čyli 3:0 (Žuan, 35, Łuis Fabijanu, 38-ja, Rabińju, 59) i ŭ čverćfinale čempijanatu śvietu pa futbole ŭ piatnicu, 2 lipienia, zhulaje sa zbornaj Hałandyi, što pieramahła Słavakiju – 2:1.
Takim čynam viadomyja ŭžo try pary ŭdzielnikaŭ čverćfinału čempijanatu śvietu pa futbole:
U piatnicu, 2 lipienia, zhulajuć:
Brazilija – Hałandyja (pačatak a 17:00), Uruhvaj – Hana (21:30),
u subotu a 17-j – Niamieččyna – Arhiencina.
***
Apošnija ŭdzielniki čverćfinału vyznačacca ŭ aŭtorak.
A 17-j pačniecca matč Parahvaj – Japonija. A 21:30 – Ispanija – Partuhalija. Pieramožcy aznačanych hulniaŭ syjducca ŭ subotu, 3 lipienia, u čverćfinale, što pačniecca ŭ 21:30.
Paŭfinały projduć 6 i 7 lipienia (aŭtorak i sierada), matč za 3-je miesca – 10 lipienia, finał – 11 lipienia.
***
Siensacyjnaja zbornaja Słavakii pakidaje mundyjal u Paŭdniovaj Afrycy. Na stadyi 1/8 finału kamanda Uładzimira Vajsa sastupiła hałandcam.
U pieršym tajmie hoł zabiŭ adzin z najlepšych hulcoŭ hetaha siezona Arjen Robien. Jon udała vyjšaŭ na ŭdarnuju pazicyju i prabiŭ u blizki kut.
Kaniec pieršaha tajma i pačatak druhoha słavaki nie prapuścili bolš najpierš dziakujučy namahańniam varatara Muchi. Ciapier jasna za jakija zasłuhi hetaha hałkipiera kupiŭ anhlijski «Eviertan».
Słavacki bambardzir Vitek mieŭ šancy adyhracca, ale mazaŭ z vyhadnych stanoviščaŭ. A voś Snajder svoj momant nie ŭpuściŭ — 2:0.
Zbornaja Słavakii zmahła adyhrać tolki adzin miač. Za znos Jakubki pienalci realizavaŭ Vitek — 2:1. Adrazu paśla ŭdaru sudździa daŭ finalny śvistok.
Tak matč i skončyŭsia.
Kamientary