Viasielle Šapućki j Łabadzienki adbyłosia ŭ Niaśvižy
Viadomy žurnalist i pryhažunia ŭziali šlub 13 žniŭnia ŭ haradskoj Ratušy.
Hleb i pryhažunia Taćciana ŭziali šlub 13 žniŭnia ŭ haradskoj Ratušy.
24-hadovy Hleb Łabadzienka pracuje žurnalistam u haziecie «Źviazda». Jon viadomy taksama jak paet i jak błohier. Taćciana Šapućka stała viadomaj, kali jaje vyklučyli z BDU. Tak jaje pakarali za propusk zaniatkaŭ dla ŭdziełu ŭ Forumie hramadzianskaj supolnaści Uschodniaha Partniorstva ŭ Bruseli. Nie dapamohło ani toje, što jana była vydatnicaj, ani zastupnictva jeŭrapiejskich ministraŭ. Ciapier 20-hadovaja namieśnica staršyni MF Taćciana Šapućka vučycca na trecim kursie Jeŭrapiejskaha humanitarnaha ŭniviersiteta.
Viančańnie adbyłosia ŭ Farnym kaściole Božaha Cieła.
Ciapierašnija muž i žonka nie źmianiali svaich proźviščaŭ.
Aproč siabroŭ i rodnych pavinšavać maładych ź viasiellem pryjšli Kasia Kamockaja, Lavon Volski.
Admysłovym hościem była kniahinia Alžbieta Radzivił, jakaja žyła ŭ niaśvižskim zamku da Druhoj suśvietnaj vajny.
Śviedkami na viasielli byli žurnalist (a taksama kikbaksior i bard) Jaŭhien Vałošyn i inšaja krasačka z Maładoha Frontu Nasta Pałažanka.
Viasielle ładziłasia ŭ atmaśfiery biełaruskich tradycyjaŭ. Žanich i niaviesta byli ŭ śviatočnych nacyjanalnych biełaruskich strojach, mnohija hości taksama nadzieli vyšyvanki. U Niaśvižskim zamku adbyŭsia nievialički furšet, asnoŭnaje śviatkavańnie prachodziła ŭ ahrasiadzibie pad Mienskam. Uviečary maładych pryvitaŭ salut.
Kamientary