Kampanija «Pravaabaroncy za svabodnyja vybary» hatovaja pasłać tolki 600 naziralnikaŭ na 300 vybarčych učastkaŭ z 6500.
Kampanija «Pravaabaroncy za svabodnyja vybary» hatovaja pasłać tolki 600 naziralnikaŭ na 300 vybarčych učastkaŭ. Usiaho ŭčastkaŭ dla hałasavańnia ŭ Biełarusi 6500.
Heta značyć, što naziralniki zmohuć acanić tolki tendencyi, ale nie zmohuć ažyćciavić paralelny padlik hałasoŭ.
Zrešty, paralelny padlik niemahčymy i pavodle dziejnaj vybarčaj praktyki. Niezaležnych naziralnikaŭ i pradstaŭnikoŭ kandydataŭ nie padpuskajuć da stałoŭ, za jakimi ličać biuleteni.
Samu ideju paralelnaha padliku hałasoŭ staršynia Centravybarkama Lidzija Jarmošyna jašče ŭ 2001 hodzie nazvała «šarłatanstvam».
Tym nie mienš, pravaabaroncy paličyli patrebnym arhanizavać choć by manitorynh vybaraŭ. 16 vieraśnia inicyjatary kampanii «Pravaabaroncy za svabodnyja vybary» abvieścili ab starcie svajoj pracy. Inicyjatyvu prezientavali kiraŭnik Biełaruskaha Chielsinskaha kamiteta Aleh Hułak i aktyvisty pravaabarončaha centra «Viasna» Aleś Bialacki i Valancin Stefanovič.
«U nas buduć doŭhaterminovyja naziralniki, zarehistravanyja ŭ abłasnych i haradskich terytaryjalnych kamisijach, jakija buduć adsočvać usie etapy vybarčaha pracesu, — kaža juryst Stefanovič. — I buduć karotkaterminovyja naziralniki na ŭčastkach».
Asablivuju ŭvahu hetym razam chočuć nadać jaŭcy vybarcaŭ. Pierad naziralnikami budzie stavicca zadača, kab jany ličyli vybarcaŭ pa hałovach.Inšaha sposabu pravieryć jaŭku niama.
Pravaabaroncy nie źviazanyja ni z adnym kandydatam. Svajoj metaj jany bačać acenku vybarčaha pracesu z punktu hledžańnia jaho demakratyčnaści i prazrystaści — hramadskaha intaresu.
Niemahčymaść prysutničać padčas pravierki podpisaŭ, dakładnaha praliku hałasoŭ i pieradačy biuleteniaŭ i pratakołaŭ z učastkovych kamisij u terytaryjalnyja robić vybary, pa vialikim rachunku, maštabnaj fikcyjaj.Ułady, jakija farmujuć kamisii, majuć lubyja mahčymaści dla falšavańnia vynikaŭ.
Usio heta daje padstavu dla niepryznańnia vybaraŭ svabodnymi mižnarodnymi naziralnikami ABSIE. Biełaruskija ŭnutranyja naziralniki buduć pracavać u kantakcie z zamiežnymi naziralnikami.
Kamientary