Publikacyja prahramy sacyjalna-ekanamičnaha raźvićcia supała sa źjaŭleńniem prapahandysckich biłbordaŭ.
Publikacyja prahramy sacyjalna-ekanamičnaha raźvićcia supała sa źjaŭleńniem prapahandysckich biłbordaŭ.
U čaćvier 11 listapada ŭ centralnych dziaržaŭnych ŚMI byŭ apublikavany prajekt prahramy sacyjalna-ekanamičnaha raźvićcia Biełarusi na 2011—2015 hh. Možna nie sumniavacca, što faktyčna hety prajekt źjaŭlajecca pieradvybarčaj prahramaj Alaksandra Łukašenki. Jon budzie zaćvierdžany na «Usiebiełaruskim schodzie», jaki projdzie 5—6 śniežnia ŭ Minsku. Amal adnačasova z publikacyjaj prajektu na vulicach stalicy pačali masava źjaŭlacca bihbordy prapahandysckaha charaktaru. Kali paraŭnać hetyja vyjavy ź ilustracyjnym supravadžeńniem prajektu prahramy ŭ toj ža «Sovietskoj Biełorusii», to možna lohka adšukać šmat padobnaha. I tam i tam ščaślivyja ŭśmieški dziaciej i ich baćkoŭ, spartoŭcy i rabočyja, lekary, navukoŭcy i vajskoŭcy (maładyja i vieterany).
Z novych bihbordaŭ možna daviedacca pra łozunh, ź jakim na sioletnija vybary idzie Łukašenka — «Razam my Biełaruś». Na vybary 2006 jon išoŭ pad łozunham «Za Biełaruś!».
Kolki heta kaštuje
Raniej partał Marketing.by paviedamiŭ, pra naradu ŭ Minharvykankamie, na jakoj było abjaŭlena, kab uładalniki ščytoŭ vonkavaj rekłamy ŭ Minsku addali dla prapahandysckich płakataŭ kala 50% płoščy. Pa samych ścipłych padlikach heta moža kaštavać rekłamnamu biźniesu ad 200 da 400 tysiač dalaraŭ. Usiaho było nadrukavana (za košt biudžetnych srodkaŭ) kala 800 płakataŭ 6ch3 m 13 vidaŭ.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?8
Kamientary