Kancepcyja nacyjanalnaj biaśpieki zaćvierdžana ŭ Biełarusi

Adpaviedny ŭkaz № 575 Alaksandr Łukašenka padpisaŭ 9 listapada.

Novaja kancepcyja była raspracavana pa daručeńniu prezidenta. Nieabchodnaść jaje raspracoŭki naśpieła daŭno. Źjaŭleńnie ŭ śviecie novych ryzyk, vyklikaŭ i pahroz, abvastreńnie hłabalnych prablem čałaviectva, niedaskanałaść isnujučaj architektury biaśpieki i nadzionnyja patrebnaści pa zabieśpiačeńniu dalejšaha ŭstojlivaha raźvićcia Biełarusi abjektyŭna patrabavali pošuku novych padychodaŭ da kompleksnaha zabieśpiačeńnia nacyjanalnaj biaśpieki.

U kancepcyi znajšli adlustravańnie vyniki ajčynnych daśledavańniaŭ u śfiery nacyjanalnaj biaśpieki, jakija pravodzilisia z 2006 pa 2010 hady, vykarystany pieradavy vopyt zamiežnych dziaržaŭ.

Zachavana pierajemnaść z raniej dziejučymi kancepcyjami 1995 i 2001 hadoŭ.

Adnačasova raźvity šerah važniejšych napramkaŭ zabieśpiačeńnia nacyjanalnaj biaśpieki, vykarystany pryncypova novyja padychody.

Udakładnieny i pašyrany klučavyja paniaćci. Asnoŭnyja śfiery nacyjanalnaj biaśpieki dapoŭnieny navukova-technałahičnaj i demahrafičnaj śfierami. Vyznačany rola i miesca Biełarusi va ŭmovach hłabalizacyi mižnarodnych adnosin. Upieršyniu vykładzieny asnoŭnyja nacyjanalnyja intaresy, jakija ŭjaŭlajuć saboj sukupnaść patreb dziaržavy pa realizacyi zbałansavanych intaresaŭ asoby, hramadstva i dziaržavy. Istotna pašyrana charaktarystyka biahučaha stanu nacyjanalnaj biaśpieki.

Kali ŭ papiaredniaj Kancepcyi nacyjanalnaj biaśpieki Biełarusi razmova išła vyklučna ab asnoŭnych faktarach, jakija stvarajuć pahrozy nacyjanalnaj biaśpiecy, to ŭ novaj jany istotna pašyrany i ŭdakładnieny. Padzieleny paniaćci «pahrozy» i «krynicy pahroz», jak unutranych, tak i źniešnich, pryviedzieny ich pieralik.

Realizavany novy padychod u adnosinach da pabudovy sistemy zabieśpiačeńnia nacyjanalnaj biaśpieki. Vydzieleny sutnaść, pryncypy i meta harantavańnia nacyjanalnaj biaśpieki, asnoŭnyja zadačy, jakija nieabchodna vyrašać dla jaje dasiahnieńnia, hałoŭnyja napramki hetaj dziejnaści. Na padstavie ahulnych pałažeńniaŭ vyznačany skład sistemy zabieśpiačeńnia nacyjanalnaj biaśpieki (subjekty i siły), ich asnoŭnyja paŭnamoctvy.

Praduhledžana stvareńnie kompleksnaj sistemy stratehičnaha płanavańnia. U jakaści asnovy jaje dakumientaŭ abaznačany kancepcyja i prahramy sacyjalna-ekanamičnaha raźvićcia krainy. Upieršyniu ŭvodzicca sistema indykataraŭ stanu nacyjanalnaj biaśpieki, jakija charaktaryzujuć biahučy ŭzrovień i dynamiku źmianieńnia stanu nacyjanalnaj biaśpieki ŭ roznych śfierach.

U cełym novaja Kancepcyja nacyjanalnaj biaśpieki Biełarusi vystupaje kanceptualnaj i mietadałahičnaj asnovaj dla kansalidacyi namahańniaŭ i pavyšeńnia efiektyŭnaści dziejnaści dziaržaŭnych orhanaŭ i inšych arhanizacyj, hramadzian krainy pa zabieśpiačeńniu nacyjanalnaj biaśpieki, abaronie jaje nacyjanalnych intaresaŭ.

• 0
• 0
• 0
• 0
• 0
• 0
• 0
• 0