Dla Rymašeŭskaha i Sieviarynca ŭdałosia pieradać pradukty i ciopłyja rečy
Kandydatu ŭ prezidenty Vitalu Rymašeŭskamu i kiraŭniku jaho vybarčaha štaba Paŭłu Sieviaryncu, jakija znachodziacca ŭ śledčym izalatary KDB, 24 śniežnia ŭdałosia pieradać pradukty i ciopłyja rečy.Pra heta BiełaPAN paviedamiŭ adkazny sakratar arhkamiteta pa stvareńni partyi «Biełaruskaja chryścijanskaja demakratyja» (BCHD) Dzianis Sadoŭski.
Pavodle jaho słoŭ, pieradać pradukty i ciopłyja rečy ŭdałosia tolki z čaćviortaj sproby. «My sprabavali heta zrabić z aŭtorka, 21 śniežnia, adnak u hety dzień byŭ niepryjomny dzień. U sieradu nam admovili, zajaviŭšy, što jany pakul nie znachodziacca ŭ statusie padazronych i pieradačy im nie naležyć pieradavać. U čaćvierh — znoŭ niepryjomny dzień. I tolki siońnia nam heta ŭdałosia», — zaznačyŭ Sadoŭski.
Pavodle słoŭ Sadoŭskaha, dla Rymašeŭskaha i Sieviarynca ŭziali «samy minimum»: pradukty, vadu, soki, ciopłyja rečy, knihi (u tym liku Bibliju).
Pry hetym, zaznačyŭ Sadoŭski, ź Vitalem Rymašeŭskim i Paŭłam Sieviaryncam dahetul nie mohuć sustrecca ich advakaty,
niahledziačy na toje, što rehularna patrabujuć sustrečy ź imi. «Jak nam skazali advakaty, śledstva, chutčej za ŭsio, budzie abmiažoŭvać sustrečy da zakančeńnia 10 dzion z času ich zatrymańnia — terminu pradjaŭleńnia abvinavačańnia. Heta ich mierkavańnie», — paviedamiŭ Sadoŭski.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary