U Homieli ŭ ofisie rehijanalnaj arhanizacyi ruchu «Za svabodu», dzie adnačasova znachodzicca j redakcyjainternet-hazety «Silnyje novosti», supracoŭniki miascovaj upravy KDB praviali pieratrus i kanfiskavali dva systemnyja bloki kamputaraŭ, fłeški,DVD-dyski dy inšyja nośbity infarmacyi.
Jak paviedamiŭ rehijanalny kiraŭnik ruchu «Za svabodu» Piotar Kuźniacoŭ, staršy opierupaŭnavažany Andrej Mielnikaŭ pakazaŭ pastanovu na pieratrus, jaki robicca ŭ miežach daśledavańnia kryminalnaj spravy pra masavyja biesparadki 19 śniežnia na płoščy Niezaležnaści ŭ Miensku.
«Asabliva ździviła śćviardžeńnie nakont dakładnych źviestkak pra toje, što ŭ našym ofisie nibyta jość materyjały z zaklikami iści na płošču i ŭčyniać tam hvałtoŭnyja dziejańni, — kaža spadar Kuźniacoŭ. — Nasamreč specsłužby imknucca sparalizavać pracu hramadzkich arhanizacyj i infarmacyjnych resursaŭ, kab ludzi nia mieli abjektyŭnaj infarmacyi».
Da pieratrusu aŭtamašynu Piatra Kuźniacova zatrymali pa darozie ŭ Rečycu supracoŭniki DAI. Jany skanfiskavali zvyš 5 tysiač ulotak «Znaju!» pra śniežanskija padziei ŭ Miensku. Pratakoł zatrymańnia ŭ rajadździele milicyi pierapisvali niekalki razoŭ. Na 18 studzienia pryznačana sudovaje raźbiralnictva ŭ Rečyckim rajonnym sudzie pa faktu raspaŭsiudžańnia drukavanaj pradukcyi biez vychodnych źviestak.
14 studzienia ŭ Rečycy miascovyja supracoŭniki UKDB praviali pieratrus u pryvatnym domie Aleha Šabietnika, pradprymalnika j kaardynatara ŭ rehijonie pieradvybarčaj kampanii Ŭładzimiera Niaklajeva. Jany kanfiskavali zbornik paezii Niaklajeva «Kon», brašuru Anatola Labiedźki «A.Ł. suprać A.Ł." i dapamožnik pradprymalniku na vypadak pravierak.
Spadara Šabietnika rečyckija čekisty praz try dni paśla vykliku ŭ Homielskuju abłasnuju ŭpravu KDB spačatku zaprasili da siabie nibyta na razmovu, ale pakazali aktyvistu pastanovu i pavieźli jaho dadomu rabić pieratrus.
Kamientary