Sud Maskoŭskaha rajona asudziŭ Cimafieja Atroščankava na 9 sutak aryštu za ŭdzieł u akcyi salidarnaści 19 śniežnia. Pryčym na razhlad administratyŭnaj spravy nie byŭ dapuščany advakat.
Sudździa Taciana Matyl nie paviedamiła advakatu pra miesca i čas razhladu spravy. Advakat nia viedaŭ navat, u čym abvinavačvajuć jahonaha padabaronnaha. Tolki praz hadzinu paśla vyniasieńnia prysudu jamu było pradstaŭlenaje sudovaje rašeńnie. Pad čas razhladu administratyŭnaj spravy śviedki z boku abvinavačvańnia dapytanyja nie byli.
Alaksandr Siarhiejenka atrymaŭ 7 sutak. U druhoj pałovie dnia buduć sudzić Michaiła Lebiedzia.
Cimafieja Atroščankava zatrymali 28 studzienia. Pozna viečaram niechta patelefanavaŭ jamu ź infarmacyjaj pra brata Alaksandra, źniavolenaha pavodle kryminalnaj spravy pra padziei 19 śniežnia. Jon pajšoŭ na sustreču i nie viarnuŭsia. Tolki na druhi dzień stała viadoma, što jaho advieźli na Akreścina.
Padobnym čynam zatrymlivali i Siarhiejenku. Siabra AHP Alaksandr Siarhiejenka niečakana nie pryjšoŭ u subotu na źjezd «Maładych demakrataŭ». Siabry Alesia ŭsturbavalisia, dzie jon znachodzicca. Paźniej vyśvietliłasia, što Siarhiejenka ŭ śpiecpryjomniku na Akreścina.
Jany abvinavačvajucca pa art. 23.34. KoAP (udzieł u niesankcyjanavanym masavym mierapryjemstvie). Administratyŭnyja spravy buduć razhladacca ŭ sudzie Maskoŭskaha rajona Mienska.
Kamientary