Advakat Michaił Vołčak, jaki źjaŭlaŭsia abaroncam Śviatłany Bajkovaj, nie zmoža joj dapamahčy na sudovym pracesie.
Jak paviedamiŭ Vołčak, z 31 studzienia jon užo nie pracuje, licenziju zdaŭ u Ministerstva justycyi, a paśviedčańnie — u Minskuju abłasnuju kalehiju advakataŭ. Pytańnie, ci pajšoŭ jon dobraachvotna abo jaho vymusili, były abaronca rabotnika Hienprakuratury pakinuŭ biez adkazu.
Nahadajem, u pačatku hetaha hoda ŭ dačynieńni da Michaiła Vołčaka, advakata staršaha śledčaha pa asabliva važnych spravach Hienprakuratury Śviatłany Bajkovaj, Hienieralnaj prakuraturaj była raspačata sprava pa č. 1 art. 407 Kryminalnaha kodeksa (vydavańnie danych daznańnia, papiaredniaha śledstva abo zakrytaha sudovaha pasiadžeńnia).
Raspačynańnie spravy źviazvałasia z nakiravanaj Vołčakam u kancy kastryčnika — pačatku listapada 2010 hoda ŭ Hienprakuraturu skarhaj na biaździejańnie orhana, jaki viadzie kryminalny praces u dačynieńni da jaho padabaronnaj. Sutnaść jaje stała viadomaj. Jak paviedamlaŭ BiełaPAN, advakat, hruntujučysia na danych prasłuchoŭvańnia KDB, jakija fihurujuć u materyjałach śledstva, u svaim zvarocie ŭ Hienprakuraturu zajaviŭ, što papiarednim śledstvam naŭmysna nie dadziena pravavaja acenka supraćpraŭnym dziejańniam aficera milicyi, jaki ŭvachodziŭ u skład śledčaj hrupy Bajkovaj.
Nahadajem, Śviatłana Bajkova była zatrymana supracoŭnikami KDB 25 lutaha 2010 hoda pa padazreńni ŭ pieravyšeńni ŭłady. Spravy ŭ dačynieńni da jaje byli raspačaty KDB 24 lutaha pa prykmietach składaŭ złačynstvaŭ, praduhledžanych artykułami 399 (niezakonnaje vyzvaleńnie ad kryminalnaj adkaznaści) i 426 (pieravyšeńnie ŭłady abo słužbovych paŭnamoctvaŭ) KK.
Ci jość u Bajkovaj novy advakat, Michaił Vołčak nie viedaje.
Data pačatku razhladu jaje spravy ŭ Viarchoŭnym sudzie pakul nie abviaščałasia.
-
Zabity ŭ Polščy rasijski mastak adnu z karcin pradaŭ za $20 tysiač i zadanaciŭ USU, a apošnija miesiacy atrymlivaŭ pahrozy paśla taho, jak pačaŭ vyśmiejvać Kadyrava
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy32
Kamientary