Budzie sabrana kamisija, jakaja prymie rašeńnie ab tym, budzie Biełaruś vosieńniu 2011-ha pierachodzić na zimovy čas ci nie.
U Biełarusi razhledziać mahčymaść admieny pierachodu na zimovy čas.
Jak paviedamiŭ načalnik siektara času i častaty Biełaruskaha dziaržaŭnaha instytuta mietrałohii Siarhiej Trachimovič, u lutym budzie sabrana kamisija, jakaja prymie rašeńnie ab tym, budzie Biełaruś vosieńniu 2011 pierachodzić na zimovy čas ci hety paradak admieniać. U pasiadžeńni kamisii voźmuć udzieł pradstaŭniki zacikaŭlenych ministerstvaŭ i viedamstvaŭ: Dziaržstandarta, Ministerstva achovy zdaroŭja, Ministerstva pramysłovaści, Ministerstva enierhietyki, Ministerstva ekanomiki i inšyja. Dakładnaja data pasiadžeńnia kamisii budzie vyznačana ŭ najbližejšyja dni.
Jak adznačyŭ Trachimovič, viasnoj 2011 hoda jak zvyčajna Biełaruś piarojdzie na letni čas: strełki hadzińnika buduć pieraviedzienyja na hadzinu napierad.
Nahadajem, što ŭ aŭtorak prezident Rasii Dźmitryj Miadźviedzieŭ padpisaŭ ukaz pra admienu ŭ Rasii pierachodu na zimovy čas.
Takim čynam, kali b 30 kastryčnika 2011 hoda Biełaruś pierajšła na zimovy čas (pieraviała strełki na hadzinu nazad), to roźnica pamiž Minskam i Maskvoj skłała b dźvie hadziny.
Kamientary