Łukašenka ŭ Sočy zabaŭlajecca na novym harnałyžnym kurorcie

— U Sočy ŭ hetyja dni vielmi dobraje i spryjalnaje nadvorje, kab katacca na łyžach — u harach minus 10. U paniadziełak i aŭtorak Alaksandr Łukašenka ŭžo kataŭsia na łyžach, znajomiŭsia z novymi harnałyžnymi abjektami, cikaviŭsia, dzie lepš katacca,

Kiraŭnik Biełarusi, jaki spyniŭsia ŭ spartyŭna-azdaraŭlenčym kompleksie «Biełaruś» u Krasnaj Palanie, aprabavaŭ niadaŭna zbudavany na hrošy «Hazprama» harnałyžny kurort «Łaura», na jakim apošnija try hady lubiać katacca kiraŭniki Rasii.

Nahadajem, karotkaterminovy adpačynak Łukašenki, pavodle paviedamleńnia jaho pres-słužby, pačaŭsia 7 lutaha. Na vychodnych kiraŭnika Biełarusi bačyli na harnałyžnych trasach razam z synam Mikałajem.

Na sajcie yugopolis.ru vidavočca adpačynku Łukašenki Valancina Simioneł padzialiłasia ŭražańniami: «Učora 8 lutaha adkatała sa sp. Łukašenkam na adnoj trasie (kanatnaja daroha «Hornaja karusiel», naležyć administracyi Krasnadarskaha kraju). Za dzień da hetaha Łukašenka kataŭsia na «Rozie Chutar» (ułasnaść Patanina). My taksama tudy chacieli, ale dla prostych hramadzian jana była začynienaja ŭ suviazi sa spabornictvami, jakija mieli tam adbycca. Dyk voś, učora, 8 lutaha, pierad uvachodam na kanatku ŭsich staranna pravieryli. Pacikavilisia, u suviazi z čym, zrazumieli, što ŭ suviazi ź biaśpiekaj Łukašenki. Asabista ja ź im raźminułasia, bo ŭsia trasa amal 3 km, adnak, jak narod kaža, jon spuskaŭsia ŭ atačeńni 15 čałaviek, jakija ŭtvaryli vakoł jaho trochkutnik. Jechali i časta spynialisia i prasili ludziej nie padjazdžać blizka.

Mnie i Juryju daviałosia padniacca ŭ adnoj kabinie ź niejkim pradstaŭnikom ź jaho atačeńnia. Jon pacikaviŭsia, ci nie zanadta jany nam pieraškadžajuć na schiłach, my skazali nie-nie, abmianialisia dumkami nakont taho, jakija trasy lepšyja i što bolš spadabalisia prezidentu, jon pachvaliŭ «Rozu Chutar», i «Hornaja karusiel» jamu taksama spadabałasia. U cełym pryjemny pradstaŭnik, na vychadzie z kabiny skiravaŭsia ŭ restaran «Viaršynia», dzie abiedaŭ Łukašenka i jaho asiarodździe. (Novy restaran na samaj viaršyni hetaj kanatnaj darohi)…"

Dadamo, što na fonie śviežych paviedamleńniaŭ pra čarhovaje padaražeńnie cukru i kamunałki navina ab padrabiaznaściach adpačynku Łukašenki ŭžo vyklikała novuju chvalu abureńnia ŭ internecie.

«Zołatavalutnyja zapasy RB u 2011 h. skaracilisia na 500 młn dalaraŭ. A prezidentu małabiudžetnaj krainy nielha było abrać tańniejšy kurort?».

• 0
• 0
• 0
• 0
• 0
• 0
• 0
• 0