Zajavy premjer-ministra pra žudasny stan sielskaj haspadarki patychajuć cynizmam i papulizmam.
Zajavy premjer-ministra pra žudasny stan sielskaj haspadarki patychajuć cynizmam i papulizmam.
15 lutaha na pasiadžeńni prezidyuma Saŭmina pa pytańniach raźvićcia APK i padrychtoŭki da viesnavych palavych rabot premjer-ministr Michaił Miaśnikovič abrynuŭsia z krytykaj na Ministerstva sielskaj haspadarki. Jon zajaviŭ, što ekanomika haliny znachodzicca ŭ žudasnym stanie, pradpryjemstvy ahrapramysłovaha kompleksu zahraźli ŭ pazykach. Nahadaŭ Miaśnikovič i pra vialikuju kolkaść prahram pa raźvićci ahrapramysłovaha kompleksu, padkreśliŭšy, što sami pa sabie hetyja prahramy nie realizujucca.
Ad zajavaŭ premjer-ministra patychaje cynizmam i papulizmam.
Niaŭžo jon nie bačyŭ, jak z hodu ŭ hod dziaržava subsiduje pasiaŭnuju-ŭboračnuju, śpisvajučy potym miljardnyja pazyki pradpryjemstvaŭ APK u abmien na nieprystojna małyja zakupačnyja ceny na sielhaspradukcyju?Jak, zachapiŭšysia realizacyjaj prahramaŭ raźvićcia siała, kraina buduje ahraharadki dzie treba i dzie nie treba, časta nie zvažajučy na ekanamičnuju metazhodnaść i demahrafičnaje stanovišča?
Miaśnikovič vinavacić va ŭsich biedach ministerstva, niby jano samo admiervaje sabie miljardnyja pazyki dy raspracoŭvaje płojmu nievykanalnych prahram.
Na pieršy pohlad jahony vystup padajecca niečakana śmiełym, kali nie dziorzkim. A jak ža! Faktyčna denansavaŭ bravurnyja pieradvybarčyja zajavy Łukašenki, datyčnyja niebyvałych pośpiechaŭ u ajčynnaj sielskaj haspadarcy. Ale zajava Miaśnikoviča pra nieabchodnaść arhanizavana pravieści viesnavyja palavyja raboty, tamu što heta «praktyčna start novaj piacihodki» (ci nie toj samaj piacihodki, płanami na jakuju ŭ pačatku śniežnia minułaha hoda dzialiŭsia z delehatami čarhovaha churału Łukašenka), pieratvaraje jaho vykryvalnicki vystup u čystaj vady demahohiju. Bo i na «zvyčajnuju» pasiaŭnuju štohod patrebnyja vielizarnyja hrošy, a što kazać pra siaŭbu ŭ samym pačatku novaj piacihodki. Dy jašče ŭ situacyi, kali sielskaja haspadarka ŭ žudasnym stanie.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny38
Kamientary