Cudździ i prakurory stanuć nieŭjaznymi. «Ździekujucca z hramadzianskaj supolnaści, ź viaźniaŭ»
«My ich nie chočam bačyć na svajoj terytoryi», zajaviŭ pasoł Vienhryi Fierenc Kontra zajaviŭ u intervju «Interfaksu».
«Čorny śpis» nieŭjaznych u ES papoŭnicca sudździami i prakurorami, jakija ŭdzielničajuć u raspravach nad palitviaźniami.
Pra heta ŭ intervju ahienctvu «Interfaks Zachad» zajaviŭ pasoł Vienhryi ŭ Biełarusi Fierenc Kontra, jaki ciapier pradstaŭlaje ŭ našaj krainie intaresy ES.
«Vy bačycie, źjaŭlajucca ludzi, jakija patrabujuć piać hadoŭ turmy ŭdzielnikam akcyi 19 śniežnia, ździekujucca z hramadzianskaj supolnaści, ździekujucca ź viaźniaŭ.
My ich nie chočam bačyć na svajoj terytoryi»,skazaŭ dypłamat. Pry hetym jon zaŭvažyŭ, što
sudździ i dziaržabvinavaŭcy «sami naprošvajucca».
Pasoł ličyć, što «sudy ŭ Biełarusi nie zusim samastojnyja». «Ja sam hladzieŭ pa televizary repartažy: čałavieka, jaki ŭdzielničaje ŭ akcyi pratestu suprać falsifikacyi vybaraŭ, vyłučajuć vakoł i kamientujuć: voś, maŭlaŭ, jon akazvaje ŭzbrojenaje supraciŭleńnie milicyi. A na hetych kadrach bačna, što milicyja bje ludziej, a ludzi rukami i nahami adbivajucca. Heta što, uzbrojeny supraciŭ? Chtości ŭziaŭ rybackuju vudu, mabyć dla ściahu, i joj adbivaŭsia. Ja nie dumaju, što heta ŭzbrojenaje supraciŭleńnie.
Kali b sudy byli demakratyčnymi, to hetych ludziej pakarali by maksimum štrafam abo administracyjnym aryštam», zajaviŭ F. Kontra.
Fierenc Kontra zaŭvažyŭ, što «reakcyja ES nie była pačutaja ŭ Miensku».
«Usio bolš palitykaŭ u ES vystupajuć za ŭviadzieńnie ŭ dačynieńni da Biełarusi kropkavych ekanamičnych sankcyj»,paviedamiŭ jon. «Kali naš hołas nie budzie pačuty, u nas prosta nie zastaniecca ničoha inšaha, akramia ŭviadzieńnia dalejšych sankcyj. Palityčny dyjałoh pamiž Biełaruśsiu i ES nie atrymlivajecca», zajaviŭ dypłamat. Pry hetym jon padkreśliŭ, što «hety dyjałoh niemahčymy da tych časoŭ, pakul nie buduć vyzvalenyja i reabilitavanyja ŭsie palitviaźni».
F. Kontra taksama zajaviŭ ab vysokaj vierahodnaści mižnarodnaha rasśledavańnia faktaŭ žorstkaha abychodžańnia ź źniavolenymi, ahučanych Alesiem Michalevičam.
«Ja dumaju, mižnarodnaje rasśledavańnie hetaha spravy abaviazkova budzie».
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary