Cуддзі і пракуроры стануць неўязнымі. «Здзекуюцца з грамадзянскай супольнасці, з вязняў»
«Мы іх не хочам бачыць на сваёй тэрыторыі», заявіў пасол Венгрыі Ферэнц Контра заявіў у інтэрв’ю «Інтэрфаксу».
«Чорны спіс» неўязных у ЕС папоўніцца суддзямі і пракурорамі, якія ўдзельнічаюць у расправах над палітвязнямі.
Пра гэта ў інтэрв’ю агенцтву «Інтэрфакс Захад» заявіў пасол Венгрыі ў Беларусі Ферэнц Контра, які цяпер прадстаўляе ў нашай краіне інтарэсы ЕС.
«Вы бачыце, з’яўляюцца людзі, якія патрабуюць пяць гадоў турмы ўдзельнікам акцыі 19 снежня, здзекуюцца з грамадзянскай супольнасці, здзекуюцца з вязняў.
Мы іх не хочам бачыць на сваёй тэрыторыі»,сказаў дыпламат. Пры гэтым ён заўважыў, што
суддзі і дзяржабвінаваўцы «самі напрошваюцца».
Пасол лічыць, што «суды ў Беларусі не зусім самастойныя». «Я сам глядзеў па тэлевізары рэпартажы: чалавека, які ўдзельнічае ў акцыі пратэсту супраць фальсіфікацыі выбараў, вылучаюць вакол і каментуюць: вось, маўляў, ён аказвае ўзброенае супраціўленне міліцыі. А на гэтых кадрах бачна, што міліцыя б’е людзей, а людзі рукамі і нагамі адбіваюцца. Гэта што, узброены супраціў? Хтосьці ўзяў рыбацкую вуду, мабыць для сцягу, і ёй адбіваўся. Я не думаю, што гэта ўзброенае супраціўленне.
Калі б суды былі дэмакратычнымі, то гэтых людзей пакаралі бы максімум штрафам або адміністрацыйным арыштам», заявіў Ф. Контра.
Ферэнц Контра заўважыў, што «рэакцыя ЕС не была пачутая ў Менску».
«Усё больш палітыкаў у ЕС выступаюць за ўвядзенне ў дачыненні да Беларусі кропкавых эканамічных санкцый»,паведаміў ён. «Калі наш голас не будзе пачуты, у нас проста не застанецца нічога іншага, акрамя ўвядзення далейшых санкцый. Палітычны дыялог паміж Беларуссю і ЕС не атрымліваецца», заявіў дыпламат. Пры гэтым ён падкрэсліў, што «гэты дыялог немагчымы да тых часоў, пакуль не будуць вызваленыя і рэабілітаваныя ўсе палітвязні».
Ф. Контра таксама заявіў аб высокай верагоднасці міжнароднага расследавання фактаў жорсткага абыходжання з зняволенымі, агучаных Алесем Міхалевічам.
«Я думаю, міжнароднае расследаванне гэтага справы абавязкова будзе».
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары