У аператыўна-дзяжурную службу міліцыі Мінскай вобласці паступіла відэасведчанне: на дарозе знаходзяцца дзікія жывёлы.
На месца накіравалі супрацоўнікаў ДАІ, паведамляе прэс-служба МУС.
У ДАІ звяртаюць увагу кіроўцаў: неабходна быць максімальна ўважлівымі і асцярожнымі, асабліва на ўчастках паблізу лясных масіваў.
Дзікія жывёлы могуць выбегчы на дарогу раптоўна, з-за кустоў або дрэў, не чакаючы з’яўлення аўтамабіляў. Буйныя жывёлы, такія як ласі або дзікі, маюць значную масу, і сутыкненне можа мець сур’ёзныя наступствы, уключаючы небяспеку для жыцця і здароўя.
Таксама жывёлы баяцца святла фар, што можа прымусіць іх стаць на месцы або наадварот — панікаваць і бегчы насустрач транспарту.
Апроч таго, у цемры, змярканні, тумане ці дажджы заўважыць жывёлу становіцца значна складаней.
ДАІ настойліва рэкамендуе:
— трымаць бяспечную хуткасць: асабліва ў месцах, дзе ёсць верагоднасць з’яўлення дзікіх жывёл (абазначаныя знакамі «Дзікія жывёлы»);
— у цёмны час сутак выкарыстоўваць дальняе святло фар: гэта дапаможа заўважыць жывёлу здалёку. Пераключайцеся на блізкае пры сустрэчным руху!
— не адцягвайцеся: выкарыстанне мабільнага тэлефона за рулём непрымальна, асабліва ва ўмовах павышанай рызыкі;
— лепш прытармазіць — не спрабуйце аб’ехаць жывёлу на вялікай хуткасці. Гэта можа быць больш небяспечна, чым тармажэнне.
Таксама рэкамендуецца паведамляць пра заўважаных жывёл: у выпадках з’яўлення дзікіх жывёл паведамляйце спецыялістам Дзяржаўнай інспекцыі аховы жывёльнага і расліннага свету.
Цяпер чытаюць
21‑гадовага курсанта Акадэміі авіяцыі асудзілі за Гаюна4
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары