Банальны выпадак на дачы скончыўся смерцю. У Пухавіцкім раёне пасля ўкусу асы загінуў 52‑гадовы жыхар Мінскага раёна.
Мужчына разам з жонкай прыехаў на выходныя на дачу. Як пазней распавяла жонка загінулага, 8 чэрвеня мужчына касіў траву на ўчастку, а калі пасля працы зайшоў у дом, наступіў на асу.
Жанчына прапанавала мужу выпіць супрацьалергічны прэпарат, аднак мужчына адмовіўся, палічыўшы здарэнне дробяззю. Гэта рашэнне аказалася фатальным.
Праз нейкі час стан мужчыны пачаў імкліва пагаршацца. У яго з'явілася моцнае слінацячэнне, дыханне стала цяжкім і хрыплаватым, а неўзабаве ён страціў прытомнасць.
Перапалоханая жонка тэрмінова выклікала брыгаду хуткай медыцынскай дапамогі, аднак выратаваць мужа медыкі ўжо не змаглі.
Папярэдняй прычынай трагедыі называюць анафілактычны шок — вострую і вельмі хуткую алергічную рэакцыю арганізма, якая прыводзіць да ацёку дыхальных шляхоў і спынення сэрца.
Цяпер чытаюць
Хто забараняе ў Беларусі кнігі — вось гэтыя 22 чалавекі30
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары