Трэнеру, які вывеў літоўскі баскетбол у еўрапейскую эліту, было 94 гады.
Літва страціла легенду краіны па баскетболе, трэнера Уладаса Гарастаса. Пра цяжкую страту Delfi паведаміў кіраўнік асацыяцыі «Літоўскі баскетбол» Міндаўгас Бальчунас.
«Цяжкая страта, паважаны трэнер пайшоў з жыцця ўначы, гэта пацвердзілі члены сям’і», — адзначыў Бальчунас.
У лютым Уладасу Гарастасу споўнілася 94 гады, і ён актыўна сачыў за жыццём літоўскага баскетбола, выступамі літоўскіх баскетбольных клубаў у Еўропе, выказваў меркаванні пра актуальныя пытанні і праблемы нацыянальнай зборнай Літвы.
Уладас Гарастас трэніраваў каўнаскі «Жальгірыс» з 1979 па 1989 год.
Пад яго кіраўніцтвам літоўскія баскетбалісты дасягнулі фенаменальных вынікаў: «Жальгірыс» тройчы выйграваў чэмпіянат СССР (1985-1987), станавіўся пераможцам Міжкантынентальнага кубка (1986), даходзіў да фіналу Кубка чэмпіёнаў ФІБА.
З 1989 па 1991 год быў галоўным трэнерам зборнай СССР па баскетболе, з 1992 па 1997 год — галоўным трэнерам зборнай Літвы. З камандай дасягнуў бронзавых медалёў Алімпійскіх гульняў 1992 і 1996 гадоў, заваяваў срэбра Еўра-1995.
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары