Meta sankcyjaŭ — nie dazvolić Iranu raźvivać jadziernuju prahramu.
Złučanyja Štaty ŭviali sankcyi suprać šerahu zamiežnych kampanijaŭ, jakija supracoŭničajuć ź Iranam i Paŭnočnaj Karejaj.Namieśnik dziaržsakratara ZŠA Džejms Stejnbierh zajaviŭ, što meta sankcyjaŭ — nie dazvolić Iranu raźvivać svaju jadziernuju prahramu, jakaja, jak apasajucca ŭ Vašynhtonie, nakiravanaja na vyrab jadziernaj zbroi.
Uviedzienyja sankcyi suprać 16 asobaŭ i kampanij ź Biełarusi, Kitaju, Paŭnočnaj Karei, Siryi i Vieniesueły za prodaž Iranu, Paŭnočnaj Karei i Siryi technałohijaŭ, źviazanych z vytvorčaściu jadziernaj, chimičnaj i bijałahičnaj zbroi i balistyčnych rakietnych sistem.
Firmy i asoby, jakija trapili pad hetyja sankcyi, buduć pazbaŭlenyja mahčymaści atrymlivać amierykanskija ŭradavyja kantrakty, dapamohu ad ZŠA, jany nie mohuć kuplać amierykanskaje ŭzbrajeńnie i patenty na jaho na praciahu dvuch hadoŭ.
U śpisie — dva biełaruskija pradpryjemstvy: «Biełaruskaje
«BiełOMA» vypuskaje vysokatechnałahičnaje abstalavańnie, jakoje vykarystoŭvajecca, u pryvatnaści, u sistemach supraćrakietnaj abarony, «Biełtechekspart» — kamiercyjnaja struktura, praź jakuju robicca značnaja častka biełaruskaha ekspartu zbroi.
U sakaviku sioleta ZŠA ŭžo ŭvodzili sankcyi suprać biełaruskaj dziaržaŭnaj enerhietyčnaj kampanii «Biełarusnafta» za kantrakt biełaruskaha pradpryjemstva ź iranskaj kampanijaj NaftIran Intertrade. Administracyja Abamy ŭviała sankcyi suprać «Biełarusnafty» za $500 młn inviestycyj u iranskuju firmu, jakaja abvinavačvajecca va ŭdziele ŭ jadziernaj prahramie Iranu.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary