Prezident Estonii zaklikaje ES da kropkavych sankcyj suprać Biełarusi
Prezident Estonii Toomas Chiendryk Ilvies 1 červienia ŭ Talinie na sustrečy ź ministram zamiežnych spraŭ Vienhryi Janašam Martońji zaklikaŭ Jeŭrasajuz da kropkavych sankcyj suprać biełaruskaha režymu.
«My pavinny praciahnuć ruku dapamohi narodu Biełarusi, pazbaŭlenamu ciapier pravavoj dziaržavy i demakratyi, adnačasova vykarystoŭvajučy vielmi dakładna nakiravanyja sankcyi suprać režymu, kab ad ich nie paciarpieli zvyčajnyja hramadzianie», — cytuje Ilviesa jaho aficyjny sajt.
«Jeŭrapiejski sajuz pavinien być u hetym pytańni adzinym, i ekanamičnyja intaresy kankretnych krain nielha stavić vyšej za nieabchodnyja z punktu hledžańnia dapamohi biełaruskamu narodu palityčnyja rašeńni», — skazaŭ prezident Estonii.
Akramia taho, pavodle mierkavańnia Ilviesa, dla paśpiachovaści i biaśpieki Jeŭropy važnaja intehracyja Ukrainy i Małdovy ŭ ES, bo «čym bolš jeŭrapiejskich kaštoŭnaściaŭ i demakratyi ŭ susiednich ź Jeŭrasajuzam krainach, tym bolš mocnaja i stabilnaja ŭsia Jeŭropa».
Kamientary