U MUS nie vyklučajuć pavieličeńnia ličby.
U MUS nie viaklučajuć pavieličeńnia ličby.
«Siońnia mierapryjemstvy pa vyśviatleńni arhanizataraŭ i aktyŭnych udzielnikaŭ niesankcyjanavanaj akcyi praciahvajucca», — paviedamiŭ Radyjo «Svaboda» časovy vykanalnik abaviazkaŭ načalnika ŭpraŭleńnia infarmacyi i hramadskich suviaziaŭ MUS Biełarusi Kanstancin Šalkievič.
Sudy nad zatrymanymi ŭčora, 12 červienia, kiroŭcami pad čas strajku na pamiežnym pierachodzie «Bruzhi», pakul adkładajucca. Sprava ŭ tym, što ŭ Hrodzienskim rajonnym sudzie nie akazałasia siońnia sudździaŭ – pavodle atrymanaj infarmacyi ŭsie jany znachodziacca na roznych vyjaznych pasiedžańniach. Pavodle papiarednich źviestak, učora ŭ Bruzhach AMAPam byli zatrymanyja 15 čałaviek. Na miažu, zabłakavanuju aŭtamabilami, pryjazdžaŭ staršynia Hrodzienskaha abłvykankamu Siamion Šapira, adnak, pieramovy z pratestoŭcami, jakija patrabavali skasavać ukaz Prezidenta ad 11 červienia pra abmiežavańnie vyvazu paliva, zaviaršylisia ŭrešcie brutalnym razhonam i zatrymańniami kiroŭcaŭ, paviedamlaje spring96.org
Jak paviedamili «Našaj Nivie» u RAUS Kastryčnickaha rajona Hrodna, usie zatrymanyja padčas akcyi pratestu 12 červienia na punktu propusku Bruzhi znachodziacca ŭ Izalatary časovaha ŭtrymańnia. Čakajuć, kali za ludźmi pryjedzie mašyna, jakaja adviazie ich u sud.
Sudzić zatrymanych buduć u Hrodzienskim rajonnym sudzie (vuł. Davatara, 2/1).
Pravaabaroncy paviedamlajuć, što sud siońnia nie adbudziecca. Pa ich infarmacyi, usie sudździ znachodziacca na vyjaznych pasiadžeńniach. U samim sudzie nie zmahli ničoha paćvierdzić.
Kamientary