U Tvitary jon pakinuŭ usiaho adno paviedamleńnie: «Adzin čałaviek ź vieraj macniejšy za sto tysiač čałaviek, jakija majuć tolki intaresy». Premjer Narviehii: my nie adstupim ad demakratyi i staniem jašče bolš adkrytym hramadstvam.
U Tvitary jon pakinuŭ usiaho adno paviedamleńnie: «Adzin čałaviek ź vieraj macniejšy za sto tysiač čałaviek, jakija majuć tolki intaresy». Premjer Narviehii: my nie adstupim ad demakratyi i staniem jašče bolš adkrytym hramadstvam.
Narviehija pieražyła samuju strašnuju trahiedyju paśla Druhoj suśvietnaj vajny. Pakul nieviadoma, ci dziejničaŭ adzin apantany čałaviek, ci była zmova. Pakul aryštavany 32-hadovy etničny narvieh Anders Bierynh Brejvik.
Palicyja rasśleduje, ci byli ŭ jaho chaŭruśniki.
U piatnicu ŭ Osła kala budynka ŭrada prahčaŭ mahutny vybuch. U vyniku jaho 7 čałaviek zahinuli, dva dziasiatki byli paranieny. Šyby ŭ damach vylecieli ŭ radyusie kiłamietra vakoł epicentra vybuchu.
Praź niekalki hadzin paśla hetaha mužčyna ŭ formie palicyjanta z aŭtamatam i pistaletam vysadziŭsia na małym astraŭku kala Osła, dzie prachodziŭ tradycyjny letnik kirujučaj Partyi pracy. Jon staŭ mietadyčna rasstrelvać udzielnikaŭ. Na astraŭku 500 mietraŭ dyjamietram było kala 600 čałaviek. U žachu junaki chavalisia za kamianiami, za drevami. Mnohija kinulisia ŭ vadu -- da bieraha macieryka kala paŭkiłamietra, ale nie vada ŭ fjordzie ledzianaja.
Jak paviedamlajuć vidavočcy, varjat stralaŭ i ŭ tych, chto adpłyvaŭ u vadzie.
Padraździaleńnie śpiecnaza prybyła na vostraŭ na viertalocie praz 30 chvilin. Zładzieja ŭdałosia zatrymać žyvym.
Na vostravie i ŭ vadzie vakoł jaho znojdziena 69 trupaŭ. Jašče try dziasiatki junakoŭ i dziaŭčat ź ciažkimi ranieńniami trapiła ŭ špital Osła.
Ułady paviedamili, što mužčyna, jaki rasstralaŭ udzielnikaŭ moładzievaha łahiera, źviazany z pravymi ekstremistami i nie maje dačynieńnia da radykalnych isłamistaŭ.
U svaim Fejsbuku jon vykazvaŭ rasisckija i chryścijanska-fundamientalisckija pohlady. U Tvitary jon pakinuŭ usiaho adno paviedamleńnie: «Adzin čałaviek ź vieraj macniejšy za sto tysiač čałaviek, jakija majuć tolki intaresy». Jon byŭ siabrom pravaj, ale mejnstrymavaj Partyi prahresu.
Jak śćviardžajuć jahonyja znajomyja, da krajnie pravych pohladaŭ jon pryjšoŭ paśla 25 hadoŭ. Hetaj viasnoj jon kupiŭ optam vialikuju partyju minieralnych uhnajeńniaŭ.
Palicyja śćviardžaje, što mužčyna, jaki adkryŭ stralbu ŭ łahiery, datyčny i da vybuchu ŭ rezidencyi premjera.
Prem'jer-ministr Narviehii Jens Stołtenblerh zajaviŭ, što adkazam na vybuch kala kompleksu uradavych budynkaŭ u Osła i rasstreł nieviadomym mužčynam udzielnikaŭ moładzievaha łahiera ŭ pryharadzie stalicy, stanie jašče bolšaja stupień adkrytaści narviežskaha hramadstva.
«Vy nas nie razburycie. Vy nie razburycie našu demakratyju i ideały», — zajaviŭ Stołtenbierh u noč na subotu ŭ efiry narviežskaha telebačańnia.
Pavodle jaho słoŭ, trahiedyja pryviadzie da jašče bolšaj adkrytaści narviežskaha hramadstva, a narodu krainy ŭ jakaści adkazu na toje, što zdaryłasia premjer paabiacaŭ «jašče bolš demakratyi». «Urad, adnak, uśviedamlaje, što naša hramadstva moža stać abjektam napadaŭ», — cytuje
Stołtenbierh byvaŭ u letniku maładych lejbarystaŭ štohod. Sioleta jon pavinien byŭ naviedać letnik na nastupny dzień.
Kamientary