Vilejskaje vadaschovišča apanavała siniaja piena jadavitaha adcieńnia
Cełyja kasiaki dochłaj ryby ableplenyja tym samym rečyvam. Miž tym vadu z vadaschovišča pje pałova Minska.
Uźbiarežža vadaschovišča napałochała žycharoŭ Vilejki. Miž tym vadu z vadaschovišča pje pałova Minska.
Žychary Vilejki dasłali ŭ Redakcyju «NN» niekalki fotazdymkaŭ ź bieraha Vilejskaha vadaschovišča. Toje, što možna ŭbačyć na zdymkach, nahadvaje nastupstvy technahiennaj katastrofy.
Na vadzie — ćviordaja błakitnaja piena jadavitaha adcieńnia. Cełyja kasiaki dochłaj ryby ableplenyja tym samym rečyvam. Sini koler šumu nie padobny da pryrodnaha.
Znachodzicca hetaje miesca kala pasta milicyi, akurat niepadalok ad kaniečnaha prypynku haradskoha aŭtobusa.
«Heta sapraŭdy strašna, — piša čytač. —
Takoje adčuvańnie, što ŭ vadaschovišča vylili cysternu miednaha kuparvasu».Što bolš za ŭsio chvaluje ŭ hetaj situacyi — Vilejskaje vadaschovišča vykarystoŭvajecca jak krynica pitnaj vady dla Minska.
Na toj momant, kali «NN» źviazałasia z kiraŭnictvam rajona, nichto jašče nie viedaŭ, što mahło zdarycca na vadaschoviščy. Adzinaje, što viersiju z kuparvasam u vykankamie nie paćvierdzili — niama adkul kuparvasu tam uziacca.
Kiraŭnictva adździaleńnia hramadzianskaj abarony rajona vykazała mierkavańnie, što
siniaje rečyva na bierazie vadaschovišča całkam moža być pryrodnaha pachodžańnia: kali vysychajuć bałoty, to ich dno vyhladaje mienavita tak i maje jarki błakitny koler.Pry hetym administracyja rajona budzie vyśviatlać, što adbyłosia na ŭźbiarežžy.
«Nasamreč, błakitny koler moža mieć pryrodnaje pachodžańnie, — kaža viadomy publicyst i aktyvist ekałahičnaha ruchu Valer Drančuk. — Na majoj rodnaj rečcy takoje čas ad času zdarałasia, tłumačyłasia tym, što tam pablizu znachodziłasia ruda — tady vada i bierah pieryjadyčna nabyvali sini koler. Asabliva kali ŭ mižsiezońnie źmianšaŭsia ŭzrovień vady».
Vilejskaje vadaschovišča było stvorana štučna, i admysłova dla zachavańnia pitnoj vady dla Minska, tamu za stanam vady ŭ im sočać pilna. Aficyjny kamientar ad kiraŭnictva Vilejki pavinien źjavicca ŭ chutkim časie, pravierka raspačałasia.
«Bolš za ŭsio heta padobna na toje, što vadaschovišča «ćvicie», — kaža kandydat chimičnych navukaŭ Kanstancin Łapko. —
Naprykład, voziera ŭ Radaškovičach padčas «ćvicieńnia» majeMaje siabry ź Vilejki kažuć, što heta mienavita pryrodnaja źjava. Chimičnaha pachu, jaki b musiŭ źjavicca, kali b prablema była ŭ zabrudžvańni, na bierazie niama».žoŭta-karyčnievy koler, jaki taksama nahadvaje nastupstvy technahiennaj katastrofy.
— Takuju pienu mohuć utvaryć sinie-zialonyja vodaraści — najpraściejšyja formy žyvych arhanizmaŭ, — kaža bijołah Alena Maluškova. —Miarkujučy pa fota, heta mienavita jany. Tut varta pryhadać niadaŭniuju situacyju ŭ Žoŭtym mory, z toj roźnicaj, što tam vodaraści byli zialonyja. U pryncypie, u chutkim časie na ich moža ŭźniknuć lišajnik, jaki čaściakom stvaraje mienavita voś taki efiekt. Adzinaje, što
koler dla vodaraściaŭ niezvyčajny, najčaściej jany majuć bolš adcieńniaŭ zialonaha. Mahčyma, tut sprava ŭ spałučeńni vodaraściaŭ z chimijaj.
Kamientary