«Dla tych, chto dziejničaje» — hučyć łozunh brenda.
Z pačatku vieraśnia startavała vonkavaja rekłamnaja kampanija suśvietnaha IT-brenda Lenovo. U svajoj kamunikacyi kampanija vyrašyła vykarystoŭvać biełaruskuju movu.
Na pytańnie, čamu kampanija vyrašyła vykarystoŭvać biełaruskuju movu, adkazaŭ Andrej Kaleśnik, rehijanalny pradstaŭnik kampanii ŭ Biełarusi i Hruzii:
«La vytokaŭ vonkavaj rekłamy na biełaruskaj movie ŭ Biełarusi stajała maja žonka – Alena Rancevič, jakaja była markietynh-menedžaram kampanii Samsung. Tady, niekalki hadoŭ tamu, Samsung byŭ pieršaj mižnarodnaj kampanijaj u Biełarusi, jakaja pryniała rašeńnie vybudoŭvać kamunikacyju na biełaruskaj movie (navat nasupierak niehatyŭnym vodhukam ad šerahu partnioraŭ Samsung, jakija pieražyvali ab tym, što rekłama na biełaruskaj nie budzie ŭspryniataja rynkam). Nasupierak aściaroham partnioraŭ rekłama atrymałasia na ździŭleńnie efiektyŭnaj i patryjatyčnaj. Dalej hety trend praciahnuli YvesRocher, Hugo Boss i mnohija inšyja.
Što tyčycca adaptacyi słohana Lenovo: zachavańnie i vałodańnie ŭłasnaj movaj dla luboj nacyi zaŭsiody było adnym z kampanientaŭ samaidentyfikacyi śviadomych jaje pradstaŭnikoŭ.
Ja pražyŭ 6 hadoŭ u Biełarusi, žonka biełaruska, maje dzieci naradzilisia ŭ Biełarusi. Z radaściu viarnusia ŭ hetuju krainu, kali vydasca takaja mahčymaść. Rašeńnie adaptavać słohan na biełaruskuju movu prymaŭ kirujučysia nie mahčymaj efiektyŭnaściu pasłańnia, a, u pieršuju čarhu, žadańniem unieści svoj pasilny ŭkład u pašyreńnie śfiery vykarystańnie biełaruskaj movy ŭ krainie, jakuju ja lublu. «U mianie jość piać rubloŭ, čamu ja nie mahu davieźci da chaty žančynu, jakaja mnie padabajecca?» («Maskva ślazam nie vieryć»)».
-
Paźniak prezientavaŭ knihu «Vilenščyna lubimaja i pryŭkrasnaja». Tam jość navat vieršy pa-francuzsku
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary