Start biełaruskaha spadarožnika zapłanavany na kaniec sakavika — pačatak krasavika
paviedamiŭ 20 śniežnia na pasiadžeńni Savieta Respubliki pieršy namieśnik staršyni Nacyjanalnaj akademii navuk Piotr Viciaź.
Pavodle jaho słoŭ, spadarožnik dystancyjnaha zandavańnia Ziamli hatovy i prajšoŭ naziemnyja vyprabavańni. Ale, jak adznačyŭ Viciaź, rasijski bok zamoviŭ prahramnaje zabieśpiačeńnie ŭ brytanskaj firmy, i jano dało zboj. "Tamu było pryniata rašeńnie pravieryć usio paŭtorna", — skazaŭ vučony. Kali ŭsio projdzie paśpiachova, vyvaz na kasmadrom Bajkanur biełaruskaha spadarožnika i rasijskaha spadarožnika "Kanopus" adbudziecca ŭ studzieni.
Saviet Respubliki ŭchvaliŭ ratyfikacyju biełaruska-rasijskaha mižuradavaha pahadnieńnia ab supracoŭnictvie ŭ halinie daśledavańnia i vykarystańnia kaśmičnaj prastory ŭ mirnych metach. Jano było padpisana ŭ Minsku 15 sakavika 2011 hoda.
Pahadnieńnie vyznačaje arhanizacyjna-pravavuju asnovu ŭzajemavyhadnaha supracoŭnictva Biełarusi i Rasii ŭ kaśmičnaj śfiery. Im zamacoŭvajucca asnoŭnyja kirunki ŭzajemadziejańnia dźviuch krain, umovy abmienu infarmacyjaj, jakaja adnosicca da sumiesnaj dziejnaści, abaviazacielstvy pa achovie pravoŭ intelektualnaj ułasnaści i inš.
Viciaź paviedamiŭ, što košt prac, vykananych Biełaruśsiu pa kaśmičnaj tematycy, pieravysiŭ 40 młn. dołaraŭ ZŠA, a da 2014 hoda heta suma pavinna dasiahnuć 200 młn.
Kamientary